خەسرەو گۆران: وەک پارتی لە هەموو عێراق 55 کاندیدمان هەیە
لڤین:
بەرپرسی دەزگای ھەڵبژاردنی پارتی رایگەیاند، بۆ هەڵبژاردنەکانی عێراق بەشداری ھیچ ھاوپەیمانییەک ناکەن لە سەرتاسەری عێراقدا55 کاندیدیان هەیە.
خەسرۆ گۆران، بەرپرسی دەزگای ھەڵبژاردنی پارتی بەماڵپەڕی فەرمی حزبەکەی راگەیاند: بۆ ھەڵبژاردنی ئەنجومەنی نوێنەرانی عێراق، پارتی لە ھەرێمی کوردستان بە ٣١ کاندید بەشدار دەبێت و بە کۆی گشتیش دەکاتە ٥٥ کاندید لە سەرتاسەری عێراق.
ئەو روونیکردەوە، دابەشکردنی کاندیدەکانیان بە شێویەک دەبێت لە تەواوی ناوچەکانی موسڵ، کەرکوک، سەلاحەدین، داقووق، ڕومادی، کەربەلا ، بەدرە و جەسان، کاندیدیان دەبێت.
وابڕیارە لە رۆژی 10ی تشرینی یەکەمی ئەمساڵ هەڵبژاردنی ئەنجومەنی نوێنەرانی عێراق ئەنجام بدرێت، سیستەمی هەڵبژاردنی ئەمجارە لە عێراق کراوەتە فرە بازنە بە هۆیەوە لایەنەکان ژمارەی کاندیدەکانیان کەم کردووەتەوە.
