لڤین

له‌قه‌زای‌ ئاكرێ له‌ سنووری‌ شاری‌ دهۆك به‌هۆی كێشه‌یه‌كی كۆمه‌ڵایه‌تی، له‌نێوان چەند کەسێکدا شه‌ڕه‌به‌رد و شه‌ڕه‌ته‌قه‌ روویدا و به‌هۆیه‌وه‌ هاوڵاتیەک كوژرا.

ئه‌مڕۆ چوارشه‌ممه‌، 18ـی كانوونی یه‌كه‌می 2024، له‌ قه‌زای ئاكرێ به‌هۆی شه‌ڕه‌ ته‌قه‌ له‌ نێوان چه‌ند كه‌سێك روویدا و به‌هۆیه‌وه‌ كه‌سێك به‌ناوی عه‌ممار سه‌لام ته‌مه‌ن 25 ساڵ كوژرا.

هاوكات به‌هۆی‌ شه‌ڕه‌كه‌وه‌ كه‌سێكی دیكه‌ كه‌ ناوی سنار قادوه‌  كه‌ ته‌مه‌نی 50 ساڵه‌ برینداربوو.

كوژراو و برینداره‌كه‌ پیاون و برینداره‌كه‌ش ره‌وانه‌ی نه‌خۆشخانه‌ كراوه‌ و ته‌رمی كوژراوه‌كه‌ش له‌ دادپزیشكییه‌.

به‌پێی‌ زانیارییه‌كان دوای‌ شه‌ڕه‌كه‌ تۆمه‌تباره‌كان هه‌ڵاتوون و تا ئێستا ده‌ستگیر نه‌كراون، هێزه‌كانی‌ پۆلیسیش به‌دوایاندا ده‌گه‌ڕێن.