بنەمای مێژوویی سایكۆ-سۆسیۆلۆجیی خوڵقێنەری دەستەڵاتدارێتیی خێزانیی ئەم ناوچەیە لە بەشێكیدا بوونی ماتەوزەی زۆرینەیەك لە مرۆڤی نارسیست، ناسەنگین و بەتاڵە، ئەگەر نا، لە بەرامبەر ئەو سیما مێژووییەدا، لە پێچەوانەدا، ئێمە لانی كەم فۆرمێك لە نەخشەی مێژووی دەستەڵاتدارێتییمان نەدەبوو، كە شێروان شێروانیی و كەمینەی مرۆڤە ئازا و ئازادەكانی تیایدا بەردەوام مەحكوم بە زیندانی بێمانا و ناڕەوای دەستەڵات بكرێن. ئەم ئازار و ستەمەی سەر هۆشیاریی سەنگین و قورسی كەمینەی مرۆڤی ئازادی ئێرەش هەر تاوانی چەپۆكی دەستەڵات خۆی نیە و، زۆرینەی مرۆڤە سەرەتاییەكانی ئەم ناوچەیەش تیایدا ناڕاستەوخۆ بەشدارن.
