لڤین
ئاژانسی هەواڵی فرانس پرێس بە پشت بەستن بە سەرچاوەیەکی ئاگادار بڵاویکردوەتەوە ئەو هێڵە ئاسمانیانەی کە گەشت دەکەن بۆ فڕۆکەخانەی دیمەشق ئاگادارکراونەتەوە کە گواستنەوەی سەرنشینانی ئێرانی یان ئیسرائیلی بۆ سوریا قەدەغەیە.
سەرچاوەیەکی فڕۆکەخانەی دیمەشق دەڵێت هاتنی هاووڵاتیانی ئیسڕائیلی و ئێرانی بۆ سوریا قەدەغە کراوە، ئەوەش دوای ئەوەی هەفتەی ڕابردوو گەشتە نێودەوڵەتییەکان بۆ سوریا دەستییان پێکردەوە. سەرکردایەتییە نوێیەکەی سوریا هیچ پەیوەندییەکیان لەگەڵ ئیسڕائیلدا نیە و پەیوەندییەکانیشی لەگەڵ ئێراندا لە دوای ڕووخانی ڕژێمەکەی بەشار ئەسەدەوە ڕاگرتووە.
لە 7 ی مانگی یەکدا گەشتە ئاسمانییە نێودەوڵەتییەکان لە فڕۆکەخانەی سەرەکی دیمەشق دەستییان پێکردەوە، نزیکەی مانگێک دوای ئەوەی یاخیبووەکان بە سەکردایەتی ئیسلامییەکان ڕژێمەکەی بەشار ئەسەدییان ڕووخاند.
