لڤین
هێزەکانی سوریای دیموکرات “هەسەدە” رایگەیاند، لە ئەنجامی روبەڕووبونەوەکانی چەند رۆژی رابردووی هێزەکانمان لەگەڵ چەکدارە بەکرێگیراوەکانی تورکیادا، 72 چەکدار کوژراون.
ئەمڕۆ شەممە، هێزەکانی سوریای دیموکرات “هەسەدە” رایگەیاند، لە ئەنجامی رووبەڕوبوونەوەی هێزەکانمان، لەگەڵ چەکدارە بەکرێگیراوەکانی تورکیا لە دەوروبەری مەنج و سەرسنووری دێرەزور، 72 چەکدار کوژران و ژمارەیەک درۆن و ئۆتۆمبێلی سەربازییان لەناوبردرا.
ئاماژەیان بەوەشدا “سوپای تورکیا لەڕیگای درۆن و هێرشی زەمینییەوە و بە هاوکاری گروپە چەکدارە بەکرێگیراوەکانی، بەردەوامن لە هێرشکردنە سەر ناوچەکانی دەوروبەری مەنبج، بەڵام هێزەکانمان توانیویانە هێرشەکانیان تێک بشکێنن و گورزی کوشندەیان لێبدەن”.
