لڤین
ئەمڕۆ شەممە 23ی تشرینی دووەمی 2024، ستیڤ بیتنەر، کونسوڵی گشتیی ئەمەریکا، لە رۆژی دووەمی کۆنفرانسی ئاشتی و ئاسایشی رۆژهەڵاتی ناوەڕاست (MEPS24) جەختی لەسەر بەهێزکردنی گەنجان کردەوە وەک بەردی بناغەی بەشداریی ئەمەریکا لە عێراق.
ئاماژەی بەوەکرد، “بەرنامەکانی وەک بورسی فوڵبرایت، بەرنامەکانی ئینگلیزی ئەکسێس و دەستپێشخەرییەکانی پەرەپێدانی سەرکردایەتی، دەرفەت دەڕەخسێنن بۆ گەنجانی عێراقی تا تواناکانیان باشتر بکەن و بەشداری لە کۆمەڵگەکانیان بکەن”.
ئەوەشی وت، “ساڵانە 300 گەنجی عێراقی بەشداری لە بەرنامە پشتگیریکراوەکانی ئەمریکا دەکەن و ئەزموونێکی بە نرخ لە پەروەردە و مۆدێلەکانی سەرکردایەتیی ئەمەریکی وەردەگرن. لەوەش زیاتر، دامەزراوەکانی وەک زانکۆی ئەمریکی لە کوردستان (AUK) و هی تر ڕۆڵێکی سەرەکی دەگێڕن لە پەرەپێدانی خوێندنی باڵای شێوازی ئەمریکی لە عێراق”.
