لڤین
بەیانی ئەمڕۆ هیزەکانی پۆلیسی دژە تیرۆری تورکیا دوو هونەرمەندی بواری مۆسیقای کوردییان بە ناوەکانی حەلیم عومەری و ئازاد بەدران قزڵکار، لە شاری ئامەد دەستگیرکرد.
ناوەندی کەلتووریی مێزۆپۆتامیا وێڕای بڵاوکردنەوەی ئەم هەواڵە، لە بەیاننامەیەکدا ڕایگەیاند: “حکومەت بە دەستگیرکردن و بایکۆت ناتوانێ چرای مۆسیقا و هونەری کوردان بکوژێنێتەوە، بگرە ئێمە بە بەرخۆدانمان، فەرهەنگ و هونەری کوردی بەهێزتر و دەوڵەمەندتر دەکەین”.
بەپێی ڕاگەیاندنی مێزۆپۆتۆمیا حەلیم عومەری لە ماڵی خۆی و ئازاد بەدرانـیش لە فرۆکەخانەدا قۆڵبەست کراون و تا ئێستا هیچ زانیارییەک سەبارەت بە هۆکارەکانی دەستگیرکردنی ئەو دوو هونەرمەندە بڵاونەبۆتەوە.