لڤین
ئەنجومەنی شارەوانیی سلێمانی پێگەی سێ ناوچە پەسەند دەكات بەمەبەستی دابەشكردنی زەوییەكانی بەسەر فەرمانبەراندا.
ئەمڕۆ چوارشەممە، ئەنجومەنی شارەوانیی سلێمانی لە كۆبوونەوەیەكدا بە سەرپەرشتی سەرۆكی شارەوانی، كۆبوونەوەیەكی ئەنجامدا.
بەگوێرەی راگەیەنراوێك ، لەكۆبوونەوكەدا چەند بڕیارێك دران، لەوانە پەسەندكردنی هەر سێ پێگەی زەوی ( شاری لاوان، فەرمانبەران و سۆتكە) بەمەبەستی ئامادەكردن و دابەشكردنی بەسەر فەرمانبەراندا.
بەپێی بڕیارێكی حكومەتی هەرێمی كوردستان، هەر فەرمانبەرێك كە پێشتر سوودمەن نەبووبێت، پارچەیەك زەویی نیشتەجێبوونی بە رووبەری 200 مەتر پێدەدرێت.
لەدوای دەرچوونی بڕیارەكم، وەزارەتی شارەوانی و گەشتوگوار، رێنماییەكانی تایبەت بە دابەشكردنی زەویی بڵاوكردەوەو تائێستاش هەزاران مامۆستاو فەرمانبەر لەهەرێمی كوردستان فۆڕمی وەرگرتنی زەوییان پڕكردووەتەوە.
