لڤین
بەهۆی دواکەوتنی گەشتەکانی فڕۆکەخانەی بەغداد، شەش بەرپرسی وەزارەتی گواستنەوە و گەیاندنی عێراق بۆ ماوەی ٦٠ رۆژ لە کارەکانیان دوورخرانەوە.
بەپێی نووسراوێکی فەرمی کە وەزارەتی گواستنەوەی عێراق بڵاویکردووەتەوە، تێیدا هاتووە” بەهۆی دواکەوتنی چەند گەشتێک لە فڕۆکەخانەی نێودەوڵەتی بەغداد، بڕیاردرا شەش بەرپرسی هێڵی ئاسمانی عێراقی بە سەرۆکایەتی بەڕێوەبەری گشتی هێڵی ئاسمانی مەناف عەبدول مونەعیم لە کارەکانیان دووربخرێنەوە و زولفیقار عەبدولحسێن وەک جێگرەوەی بە (وەکالەت) لە ماوەی کشانەوەکەدا دەستنیشان بکرێت”.
هەر لە نوسراوەکەدا ئەوەش هاتووە” بازرگانى، پرۆسەکانى فڕۆکەوانى، هونەرى، بەرپرسى ئیدارەدانى بازرگانى/ بەشى بازرگانى و بەشی جوڵەى فڕۆکەوانى/ بەشى جوڵەى فڕۆکەوانى، بۆ ماوەی ٦٠ ڕۆژ لە کارەکانیان لادەببرێن”.
بەپێی نوسراوەکە، وەزیرى گواستنەوە و گەیاندنى عێراق رەزامەندیداوە بە لەسەرکارلابردنى ئەو بەرپرسانە، تاوەکو لێکۆڵینەوەکان کۆتاییان دێت.
