شاعیری دیاری كورد لەتیف هەڵمەت هۆنراوەیەك لە ژێر ناوی نەورۆزی ئەمساڵ لە كۆبانێ پێشكەشی كۆبانێ لە رۆژئاوای كوردستان دەكات.
دەقی هۆنراوەكەی شاعیری دیاری كورد لەتیف هەڵمەت بەمجۆرەیە:-
نەورۆزی ئەمساڵ لە کۆبانی
گوێ ڕادێرن .. گوێ ڕادێرن
بۆ کورتەی کورتەی هەواڵ :
ئیتر ئاسمان هی کۆترە
نەک فڕۆکەی هەزار باڵ
لەمەودا لە کۆبانێ منداڵ
دەبابە شکاوەکانی تورکیا
لە لووتکەی ئەم چیا و ئەو چیا
بۆ مریشک و جوچکەکان
دەکەن بە کولانە و بە ماڵ
لوولەی تفەنگی جەندرمەی تورک
دەکەن بەنای و بە شمشاڵ
قۆناخی تفەنگی کوردکوژەکان
دەسووتێنین بۆ جەژنی نەورۆزی ئەمساڵ …
ئاڵای کوردستان هەڵدەکرێ
لەسەر هەزاران لووتکە و یاڵ.
