مارک ساڤایا: کلیلێکی نوێی ترامپ بۆ عێراق

مارک ساڤایا: کلیلێکی نوێی ترامپ بۆ عێراق و گەرەنتیکردنی دۆستایەتی کورد
ناساندن بازرگانێک لە پۆستی نێرەدەی تایبەت”

بڕیاری دۆناڵد ترامپ بۆ دیاریکردنی مارک ساڤایا وەک نێرەدەی تایبەت بۆ عێراق، گوزارشت لە گۆڕانێکی ستراتیژی گەورە دەکات لە سیاسەتی دەرەوەی ئەمریکا بەرامبەر بەغدا. ساڤایا، کەسایەتییەکی دیاری بازرگان و سەرمایەدارە و خاوەنی پاشخانێکی کلدانی-عێراقییە، پیاوی سیاسەتی دێرین و نەریتی نییە، بەڵکو باڵیۆزێکە بە لۆژیکی سەرمایەداری و مامەڵەی بازرگانی دەنێردرێتە ناوچەکە. ئەم دیاریکردنە، لە دیدی هەرێمی کوردستان، زیاتر لە، گەرەنتینامەیەکە بۆ پشتبەستن بە هەرێمی کوردستان “

تەوەرەی یەکەم : لێکدانەوەی دۆستایەتی ستراتیژی بۆ کورد
دۆستایەتی ساڤایا لەگەڵ کورد، زیاتر لە پەیوەندییەکی کەسی، بریتییە لە تەبایی و گونجانی ستراتیژی لەگەڵ نەخشەڕێی گشتی ترامپ لە ڕۆژهەڵاتی ناوەڕاست:
گونجانی ئەولەویەتەکان (ئێران و کورد)
مارک ساڤایا وەک نوێنەرێکی دڵسۆزی ترامپ، چاوەڕوان دەکرێت سیاسەتی کەمکردنەوەی کاریگەری ئێران و میلیشیاکانی لە عێراق بە توندی پەیڕەو بکات. هەرێمی کوردستان لەم هاوکێشەیەدا “
پایەی جێگیری ئەمریکا: بەردەوام وەک سەنگەرێکی سەرەکی دژە تاران و یەکێک لە سەقامگیرترین پێکهاتەکانی عێراق سەیر دەکرێت.
هاوبەش لە متمانەدا: ترامپ پشت بە هاوبەشە دڵسۆز و کاریگەرەکان دەبەستێت، و هەرێم خۆی وەک ئەو هاوبەشە ناساندووە کە دەتوانرێت پشت بە بڕیارەکانی ببەسترێت “

پێشوازیی ڕاستەوخۆی باڵا
پێشوازی گەرمی سەرۆکی هەرێمی کوردستان، نێچیرڤان بارزانی، لە دیاریکردنەکە، بەڵگەیەکی حاشاهەڵنەگرە. ئەم پێشوازییە فەرمییە ئاماژەیە بۆ
متمانەی پێشوەختە:
هەرێم ئەو دیاریکردنە بە هەنگاوێکی ئەرێنی دەبینێت کە جەخت لە گرنگی ستراتیژی هەرێمی کوردستان دەکاتەوە لە جێبەجێکردنی پلانەکانی ترامپ لە ناوچەکەدا.
قووڵکردنەوەی پەیوەندیی ئابووری دەکرێت پێشبینی بکرێت ساڤایا کار بۆ چارەسەرکردنی کێشە ئابوورییە درێژخایەنەکانی نێوان هەولێر و بەغدا بکات بە تایبەت لە پرسی نەوت و بودجە بۆ پاراستنی سەقامگیری دارایی هەرێم وەک مۆدێلێکی سەرکەوتووی سەرمایەگوزاری

تێگەیشتن لە پێکهاتەی عێراق
پاشخانی ساڤایا وەک کەسێکی کلدانی عێراقی، پڕە لە تایبەتمەندی. ئەمە نیشانەیە بۆ واشنتن کە
تێگەیشتنێکی قووڵتری لە ئاڵۆزییەکانی عێراق (لە بەغدا و کەرکووک و موسڵ) دەبێت
گرنگی بە پاراستنی مافی پێکهاتەکان دەدات، کە کورد و کەمینەکانی تر لە ناوچە جێناکۆکەکان دەگرێتەوە “

تەوەرەی دووەم: سەرمایەداری و لۆژیکی مامەڵە
ساڤایا نوێنەری سەرمایەدارییە و دیپلۆماسییەتەکەی پێشبینی دەکرێت لەسەر بنەمای پوختە و کۆتایی بێت، وەک لە پەیوەندییە سیاسییە درێژخایەنەکاندا …

کارۆخ سەید ڕزگار /نووسەر