لڤین
بەڕێوەبەری گشتیی ئەزموونەکان لە وەزارەتی پەروەردەی هەرێم رایگەیاند، لە سبەینێوە و لە رۆژانی تاقیکردنەوەکانی قۆناغی 12 ی ئامادەیی هێڵەکانی ئینتەرنێت لە سەرانسەری هەرێم رادەگیرێت.
نورەدین عوسمان بەڕێوەبەری گشتیی ئەزموونەکان لە وەزارەتی پەروەردە رایگەیاند، سبەینێ تاقیکردنەوە گشتییەکانی قۆناغی 12 ی ئامادەیی لە هەرێمی کوردستان دەستپێدەکات، سەرجەم ئامادەکارییەکان تەواوکراون و هۆڵەکانی تاقیکردنەوە بە سەرجەم پێداویستییەکانیەوە ئامادەیە.
ئاشکراشیکرد، داوامان لە وەزارەتی گواستنەوە و گەیاندن کردووە لە رۆژانی تاقیکردنەوەکاندا بۆ ماوەیەکی دیاریکراو هێڵەکانی ئینتەرنێت رابگرن، ئەوان داواکەیان پەسەندکردووین، بەڵام ناتوانین ماوەکەی ئاشکرابکەین.
