لڤین
بەڕێوەبەرایەتیی گشتیی کارەبای سلێمانی رایدەگەیەنێت، کارەبای 14 گەڕەک و چوار سیتی لەو شارە، کرایە 24 کاتژمێری.
بەپێی راگەیەندراوێکی بەڕێوەبەرایەتیی گشتیی کارەبای سلێمانی کە وێنەیەکی دەست لڤین کەوتووە و تێیدا هاتووە، لە قۆناغی دووەمی پڕۆژەی رووناکی، کارەبای 24 کاتژمێری بۆ ئەم 14 گەڕەکانەی شاری سلێمانی دابینکرا (کازیوە یەک و دوو، سەیوان، گۆیژە و گۆیژەی نوێ، هەوارە بەرزە، تووی مەلیک، عەلی کەمال، ئازادی، شەهیدانی ئازادی، ئیسکان ، ئیسڵاح، ئیبراهیم ئەحمەد – نزیک مزگەوتی بەهەشت، سەرکارێز – پشت ئامادەیی سلێمانیی کچان).
ئاماژەی بەوەشکرد، کارەبای 24 کاتژمێری بۆ ئەم چوار سیتییەش دابینکرا (گۆیژە سیتی، شاری خەونەکان، شاری دایک و گوندی ئەڵمانیی سێ).
هەر لە راگەیەندراوەکەدا ئەوەشخراوەتەڕوو، “لەم قۆناغەدا، 25 هەزار و 813 هاوبەشی کارەبا لە سلێمانی کارەبای 24 کاتژمێرییان دەبێت، کە لە 23 هەزار و 733 هاوبەشی ماڵان و دوو هەزار و 80 هاوبەشی بازرگانی، پێکهاتووە).
