لڤین
دەزگای ئاسایشی هەرێم دەستگیرکردنی باندێک بە تۆمەتی بازرگانیکردن بە جەستەی مرۆڤ رادەگەیەنێت و دەڵێت، خەڵکیان فریوداوە بە فرۆشتنى گورچیلە.
دەزگاى ئاسایشى هەرێم رایگەیاند، لەسەر سکاڵای هاوڵاتییان و بە بڕیاری دادوەری لێکۆڵینەوەی ئاسایش، بەڕێوەبەرایەتیی لێکۆڵینەوەی دەزگای ئاسایشی هەرێم، بەدواداچوونی وردی ئەنجامدا، لە رۆژانی 7 و 8ى ئایار توانرا لە سلێمانی باندێکی چوار کەسى دەستگیربکەن کە بڕی 32 ملیۆن دیناریان لە پێنج خێزان وەرگرتووە و فریویان داون بەوەی گورچیلە لە بەرامبەر بڕێک پارەدا دەفرۆشن.
دەشڵێت، لەئێستادا تۆمەتباران بە ماددەی 456 راگیراون و لێکۆڵینەوە لە دۆسیەکانیان بەردەوامە.
