لڤین
لەسەر رێگای کەلار – دەربەندیخان نزیک گوندی تازەدێ بەهۆی رووداوێکی هاتوچۆوە پێنج کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، دواینیوەڕۆی ئەمڕۆ لەسەر رێگای کەلار – دەربەندیخان ئۆتۆمبێلێکی جۆری تۆیۆتا کراون بە ئاراستەی قەزای کەلار هاتووە، لە نزیک گوندی تازەدێ کۆنتڕۆڵی لەدەستداوە و خۆی کێشاوە بە بەربەستی ناوەندی رێگاکەدا بەهۆیەوە شۆفێر و چوار سەرنشین برینداربوون.
ئاشکراشیکرد، سەرجەم بریندارەکان رەوانەی نەخۆشخانەی فریاکەوتنی شەهید هەژار کران، لەلایەن تیمی هاتووچۆوە لێکۆڵینەوە لە رووداوەکە دەستیپێکردووە.
