لڤین
دوای داخستنی بەهۆی ئەو پشێویانەی لە ناوخۆی بزووتنەوەی گۆڕان روویاندا، ئەمڕۆ جارێکی دیکە دەرگای گردی زەرگەتە کرایەوە.
جڤاتی نیشتیمانیی گۆڕان لە راگەیەندراوێکدا بڵاویکردەوە، پاش رێگری لە دروستبوونی پشێوی و هێوربوونەوەی دۆخەکە، مەکۆی سەرەکی بزوتنەوەی گۆڕان و گردی زەرگەتە کرایەوە.
رۆژی هەینی رابردوو راگەیەنرا، بۆ رێگری لەو گرژیانەی لە ناوخۆی حزبەکەدا دروستبووە، بڕیاردراوە دەرگای گردی زەرگەتە کە بارەگای سەرەکیی بزووتنەوەی گۆڕان و چەند دامەزراوەیەکی سەر بە حزبەکەی لێیە دابخرێت.
