لێدوانی رێباز حەملان لەبارەی دابەشكرددنی موچەی مانگی هەشت و نۆ

لڤین

رێباز حەملان، یاریدەدەری سەرۆك وەزیرانی هەرێم رایگەیاند، لەم هەفتەیەدا، موچەی مانگی هەشت دابەش دەكرێت و وردبینیكردنی موچەی مانگی نۆش لە بەغدا تەواو بوە، لەگەڵ ناردنی موچەی مانگی نۆ راستەوخۆ ئەویش دابەش دەكەن.

رێباز حەملان، یاریدەدەری سەرۆك وەزیرانی هەرێم، ئەمڕۆ یەكشەممە، لە لێدوانێكدا بۆ رۆژنامەنوسان وتی “بۆ موچەی مانگی هەشت دەبو تاوەکو سەعات 12:00ـی نیوەڕۆی ئەمڕۆ، 243 ملیار دینار لە بەغداوە بهاتایە بۆ پڕکردنەوەی ئەو کورتهێنانەی هەمانە. بە دڵنیاییەوە لەگەڵ گەیشتنی ئەو پارەیە موچەی مانگی هەشت لە ماوەی چەند رۆژێکدا لەم هەفتەیەدا دابەش دەکرێت.”

وتیشی “ئەمڕۆ لە بەغدا وردبینیكردنی لیستی موچەی مانگی 9 تەواو بوە، ئەویش لەگەڵ گەیشتنی بۆ هەرێمی كوردستان لە پاش موچەی مانگی 8، راستەوخۆ دەست بە دابەشکردنی دەکرێت”.

رێباز حەملان ئاماژەی بەوەشدا “بەدڵنیایی لەم هەفتەیەدا موچەی مانگی هەشت دابەش دەكرێت، ئەمڕۆ یان سبەی تەواوكارییەكە گەیشت، دەست بە دابەشكردنی موچە دەكرێت.”