دوای ئەوەی شەوی رابردوو لە قەزای چەمچەماڵ بەهۆی کێشەی کۆمەڵایەتییەوە رووداوێکی تەقەکردن روویدا ئەمڕۆ لەلایەن ئاسایشی رۆژئاوای سلێمانیەوە تۆمەتباری تەقەکردنەکە دەستگیر کرا.
ئەمڕۆ شەممە، ئاسایشی رۆژئاوای سلێمانی بڵاویکردەوە، شەوی ڕابردوو 15.11.2024 بەهۆی کێشەی کۆمەڵایەتی، لەگەڕەکی ئاشتی لە قەزای چەمچەماڵ دوو چەکدار کە ماتۆڕ سکیلێکیان پێبووە تەقەیان لە ماڵی هاوڵاتیەک کردووە و هەڵاتوون.
دەشلێت، دوای بەدواداچوونەکانی ئاسایش توانراوە شوێنی تۆمەتباران دەستنیشان بکرێت و هەردوو تۆمەتبار دەستگیربکرێن و دەستیشگیراوە بەسەر چەکەکانیاندا.
لە ئێستادا تۆمەتباران بە ماددەی 15ـەی چەک دەستگیرکران و لێکۆڵێنەوە لەدۆسیەکانیان بەردەوامە.
