لڤین
تێدرۆس ئەدهانۆم گیبریسەس، بەڕێوەبەری رێكخراوی تەندروستیی جیهانی، دەبلیو ئەیچ ئۆ دەڵێت، بەهۆی چڕکردنەوەی هێرش و بۆردومانەکانی غەزەوە، نەخۆشخانەی ئەمەل لە کەرتەکە لە خزمەت کەوتووە.
بەگوێرەی زانیارییەکانی دەبلیو ئەیچ ئۆ، بەربەست لە بەردەم گەیشتن بە نەخۆشخانەکە دروستبووە، ئەمەش رێگری لە نەخۆش دەکات لە کاتی خۆیدا چارەسەر وەربگرێت و دەبێتەهۆی مردنی زیاتر.
تێدرۆس ئەدهانۆم دەڵێت، هێشتا نەخۆش لە نەخۆشخانەکە ماوە و پێویستیان بە چاودێرییە، بەڵام نەخۆشی نوێ وەرناگیرێت، دوو تیمی پزیشکی لە نەخۆشخانەکەن بۆ حاڵەتی لەناکاو، یەکێکیان ناوخۆییە، ئەوەی دیکە نێودەوڵەتی، تەواوی هەوڵیان دەدەن بۆ خزمەتکردنی ئەو نەخۆشانەی هێشتا لە نەخۆشخانەکەدان هەرچەندە ژمارەیەکی کەم پێداویستیی پزیشکی لێماوە.
بەگوێرەی قسەکانی بەڕێوەبەری دەبلیو ئەیچ ئۆ، بە داخرانی نەخۆشخانەی ئەمەل، کۆمەڵگەی پزیشکیی ناسر دەبێتە تاکە نەخۆشخانەی خان یونس لە باشووری غەزە، کە یەکەی چاودێریی چڕ لەخۆدەگرێت.
