لڤین
ئیسرائیل هێرشیکردە سەر هەرسێ پارێزگاى دیمەشقى پایتەخت، حومس و حەما، لە هێرشەکاندا سەنتەرێکى زانستى لە دیمەشق و دوو فڕۆکەخانەى لە حەما و گوندەواری حومس بە ئامانجگرتووە.
ئاژانسى هەواڵى سانا بڵاویکردەوە، فڕۆکە جەنگییەکانى ئیسرائیل سەنتەرێکى توێژینەوەیان لە دیمەشق بۆردوومانکردووە، هاوکات حەوت جار فڕۆکەخانەى سەربازیی حەما بەئامانجگیراوە و هێرشکراوەتە سەر فڕۆکەخانەى تیفۆڕ لە حومس.
رادیۆى سوپاى ئیسرائیل رایگەیاندووە، هێرشەکانى ئەمشەوى سەر سووریا، بۆ هۆشداریدانە بە تورکیا.
بەگوێرەى ئامارى روانگەى سوورى بۆ مافەکانى مرۆڤ لەسەرەتاى ساڵى 2025وە تاوەکو ئێستا ئیسرائیل 41هێرشى بۆسەر خاکى سووریا ئەنجامداوە، 35جاریان لەڕێگەى فڕۆکەى جەنگى و شەش جار لەڕێگەى هێرشى زەمینییەوە بووە و 48 کۆگاى چەک و بنکە و ناوەندى سەربازیی بەئامانجگیراوە.
