ئەمرۆ زیاتر لە 284 ملیۆن دۆلار لە لایەن بانکی ناوەندییەوە خراوەتە بازاڕەوە

بازارەکانی ئاڵوگۆڕی دراو لە هەرێمی کوردستان و عێراق لە دۆخێکی ناسەقامگیردان، ئەوەش بەهۆی هەڕەشەکانی ئیسرائیل و ئەگەری هێرشکردنە سەر عێراق و گرووپە چەکدارەکانەوەیە.

شارەزایانی ئابووری عێراقیش دەڵێن: لە ئەگەری هێرشی ڕاستەوخۆی ئیسرائیل بۆ سەر عێراق بەهای 100 دۆلار بۆ نزیکەی 160 هەزار دینار بەرز دەبێتەوە، ئەوەش زیانێکی گەورە بە ئابووری عێراق و هاوڵاتیان و بازرگانان دەگەیەنێت.

هاوکات، فوئاد حوسێن، وەزیری دەرەوەی عێراق رایگەیاند، “عێراق پەلکێشی جەنگ بکرێت، ئابوورییەکەی پەکی دەکەوێت چونکە تەنها پشتی بە نەوت بەستووە.”