لڤین
دەستەی کەشناسیی عێراق هۆشداری دەدات لە روودانی زریان و گەردەلول، بەرگریی شارستانیی عێراقیش رێنمایی بڵاودەکردەوە.
لە راگەیەندراوێکدا دەستەی کەشناسیی عێراق رایگەیاند، “زریان و گەردەلول بەڕێوەیە”، هەروەها بەڕێوەبەرایەتیی گشتیی بەرگریی شارستانیی عێراق، هۆشداری دەدات و چەند رێنماییەکیش بڵاودەکاتەوە.
رێنماییەکانی بەڕێوەبەرایەتی گشتیی بەرگریی شارستانیی عێراق:
1- لەو وایەرانەی شۆڕبوونەتەوە، دووربکەونەوە چونکە لەدوای پچرانیان مەترسی هەیە کە کارەبای تێدابێت.
2- دووربن لەو باڵەخانانەی کە مەترسی رووخانیان هەیە.
3- دووربکەونەوە لە درەختی گەورە، چونکە ئەگەری شکانیان هەیە.
4- لە پۆستەرەکانی رێکلام دوور بکەونەوە.
5- دەرگا و پەنجەرەکان دابخەن بۆ کەمکردنەوەی دزەکردنی هەوا لەکاتی گەردەلوولدا.
