لڤین

وەزارەتى خوێندنى باڵا و توێژینەوەى زانستى ڕێنمایی تایبەت بە خوێندنى باڵا/ دیبلۆمى باڵاى یەک ساڵەى ئەکادیمى و دیبلۆمى باڵاى دو ساڵەى پزیشکى کلینیکى پیشەیی و ماستەرو دکتۆرا لە هەرێمى کوردستان بڵاودەکاتەوە و بگوێرەی ڕێنماییەكەش، “بۆ دیپلۆمى باڵا پێویستە خوازیار نمرەكەی لە 50 بەرەوسەرەوە بێت، بۆ ماستەریش نمرەی 60 و بۆ دكتۆراش نمرەی 70 بەرەوسەرەوە بێت”.

بەگوێرەی نوسراوێكی وەزارەتی خوێندنی باڵا و توێژینەوەی زانستی حكومەتی هەرێم بە ژمار (26683) كە واژۆی حەمەی حەمە سەعیدی وەزیری بەوەكالەتی لەسەرە و ئەمڕۆ 24ی (كانونی یەكەم/12) دەرچوە و تێدای هاتوە، “وەزارەت ڕێنمایی ژمارە (12)ى ساڵى 2024ى تایبەت بە ڕێنمایی خوێندنى باڵا/ دیپلۆمى باڵاى یەک ساڵەى ئەکادیمى و دیبلۆمى باڵاى دو ساڵەى پزیشکى کلینیکى پیشەیی و ماستەرو دکتۆرا لە هەرێمى کوردستان بڵاودەکاتەوە”.

ئاماژەی بەوەشكردوە، بۆ دیپلۆمى باڵاى یەک ساڵەى ئەکادیمى پێویستە خوازیار نمرەكەی لە 50 بەرەوسەرەوە بێت، بۆ ماستەریش 60 بەرەو سەرەوەبێت و بۆ دكتۆراش 70 بەرەوسەرەوە بێت.

لەبارەی مەرجی تەمەنیشەوە دەڵێت، “دیپلۆمى باڵاى یەک ساڵەى ئەکادیمى مەرجی تەمەن نیە و خوێندن بە پارالێڵە، بۆ ماستەریش پێویستە خوازیار (فەرمانبەری هەمیشەی) تەمەنی 45 ساڵ زیاتر نەبێت و بۆ دكتۆراش بە هەمانشێوە دەبێت تەمەنی 45 زیاتر نەبێت، بۆ ئەو كەسانەی تەمەنیان سەرو 45 ساڵە دەبێت بە شێوەی پاراڵێڵ بەشداری بكەن”.

دەقی ڕێنماییەكان لە ڕێگەی ئەم لینكەوە بخوێنەوە