لڤین
گوتەبێژی سوپای ئيسرائيل رايگەياند، ئەگەر لوبنان و وڵاتانی جيهان نەتوانن حيزبوڵڵا لە سنوورەکانمان دووربخەنەوە، هيچ بژاردەيەکمان نامێنێت جگە لەوەی خۆمان ئەو کارە بکەين.
دانيال هاگاری، گوتەبێژی سوپای ئيسرائيل گوتی، “ئەم هەڵمەتە زەمینییە مۆڵگەکانی حیزبوڵڵا دەکاتە ئامانج کە هەڕەشە لە شارۆچکەکانی ئیسرائیل و یەکەکانی نیشتەجێبوون لەسەر سنوورمان دەکات، حیزبوڵا گوندەکانی لوبنانی لە تەنیشت گوندەکانی ئیسرائیل کردووەتە بنکەی سەربازی، هەموویان ئامادەن بۆ هێرشکردنە سەر ئیسرائیل”.
باسی لەوەشكرد، ئەگەر دەوڵەتی لوبنان و جیهان نەتوانن حیزبوڵڵا لە سنوورەکانیان دووربخەنەوە، هیچ بژاردەیەکی دیکەیان نییە جگە لەوەی خۆمان ئەو کارە بکەین، دەیەوێت ئەوە روون بكاتەوە كە شەڕی ئێمە لەگەڵ حیزبوڵادايە نەوەكو لەگەڵ خەڵکی لوبنان، نایانەوێت زیان بە هاوڵاتییانی مەدەنی لوبنان بگەیەنن و رێوشوێن دەگرنەبەر بۆ ڕێگریکردن لەوە.
