لڤین
سوپای ئیسرائیل رایگه‌یاند كه ئێواره‌ی رۆژی دووشه‌ممه هێرشێكی ئامانجداریان له به‌یروت ئه‌نجامداوه، هاوكات رادیۆی سوپا بڵاویكرده‌وه كه ئامانجه‌كه عه‌لی كركی سه‌ركرده‌ی حزبوڵای لوبنان بووه.
فڕۆكه ئیسرائیلییه‌كان هێرشێكی ئاسمانییان كرده‌سه‌ر سه‌ر گه‌ڕه‌كی مازی له باشووری به‌یروت.
ڕادیۆی سوپای ئیسرائیل به پشتبه‌ستن به سه‌رچاوه‌كان بڵاویكرده‌وه كه “ئامانجی هێرشه‌كه له به‌یروت سه‌ركرده عه‌لی كركی فه‌رمانده‌ی میحوه‌ری باشووری حزبوڵایه كه كه‌سی سێیه‌می حزبه‌كه‌یه.
په‌یامنێری سكای نیوزی عه‌ره‌بی له لوبنان له زاری سه‌رچاوه‌یه‌كی سه‌ربازی لوبنانه‌وه، رایگه‌یاند كه له هێرشه‌كه‌ی ئیسرائیل بۆ سه‌ر باشووری به‌یروت عه‌لی كركی كوژراوه.
لای خۆیه‌وه ئاژانسی رۆیته‌رز له زاری سه‌رچاوه‌كانیه‌وه بڵاویكرده‌وه كه چاره‌نووسی عه‌لی كركی سه‌ركرده‌ی باڵای حزبوڵا نازانرێت.
