لڤین
ئەمڕۆ هەینی ٢٠ی ئەیلولی ٢٠٢٤ سوپای ئیسرائیل لە باشووری بەیروت هێرشێکی ئاسمانی کردە سەر پێگەیەکی حیزبوڵڵای لوبنانی.
سوپای ئیسرائیل، دواینیوەڕۆی ئەمڕۆ بڵاویکردەوە” لە رێگەی فڕۆکەی ئێف ٣٥ەوە پێگەیەکمان لە بەیرووتی پایتەختی لوبنان بۆردوومانکردووە”.
ئاماژەی بەوەشکردووە، لە ناوچەى جاموس نزیک مزگەوتی قائیم لە باشووری بەیرووت شوقەیەکی حزبوڵڵای لوبنانی بە ئامانج گیراوە.
سوپای ئیسرائیل ڕاشیگەیاندووە” لە بۆردوومانەکەدا ئیبراهیم عەقیل بەرپرسى باڵا لە حیزبوڵڵای لوبنانی کراوەتە ئامانج”.
بەیانی ئەمڕۆش لە گەورەترین هێرشی ئاسمانی بۆسەر پێگە سەربازییەکانی حزبوڵڵای لوبنانی، وەک میدیای ئیسرائیلی ڕایگەیاندووە، زیاتر لە ١٠٠ مووشەک هاویشتنی حزبوڵڵایان کە دژی ئیسرائیل دایان نابوو سووتاندووە و وێرانکردووە.
