لڤین
بەڕێوەبەرایەتیی هاتوچۆی دهۆک رایگەیاند، سبەینێ شەش کامێرای جێگیری نوێی تۆمارکردنی سەرپێچییەکانی هاتوچۆ لە شەقامەکانی دهۆک جێگیر دەکرێن و دەست بە تۆمارکردنی سەرپێچی دەکەن.
ئەمڕۆ سێشەممە، بەڕێوەبەرایەتیی هاتوچۆی دهۆک لە راگەیەنراوێکدا ئاماژەی بەوە کردووە، بڕیار دراوە بە جێگیرکردنی شەش کامێرای نوێی هاتوچۆ لە شەقامەکانی دهۆک.
باس لەوەش کراوە، سبەی ئەو کامێرا نوێیانە جێگیر دەکرێن و دەکەونە کار و دەست بە تۆمارکردنی سەرپێچی دەکەن.
ئەوەش خراوەتە روو، کامێراکان لەسەر شەقامەکانی؛ گەڤەڕکێ، چاکسازی زڕکا، ئەڤریکێ، چڕە، شەقامی سەرەکی هەولێر بۆ دهۆک لە ئۆڤەر پاسای سێگردکای ناحیەی رۆڤیا و ئۆڤەر پاسای باعەدرێ بۆ ترافیک لایتی چوارڕیانی شێخان جێگیر دەکرێن.
