لڤین
عەبدوڵا ئۆجەلان، رێبەری زیندانییکراوی پەکەکە لەبارەى کۆچى دوایی سڕى سورەییا ئۆندەر، پەرلەمانتاری ئیستانبوڵی پارتی دەم و ئەندامی شاندی ئیمراڵی پەیامێکى بڵاوکردەوە و دەڵێت: ” گەلەکەمان هاوڕێیەکى گەورەى لەدەستچوو”.
پاش کۆچی دوایی سڕی سورەییا ئۆندەر کە ئەندامی شاندی ئیمراڵی بوو ، ئۆجەلان لە پەیامێکی هاوخەمی و سەرەخۆشیدا، ئاماژەی بەوەکرد، ئەنادۆڵ و تورکمانەکان رۆڵەیەکى مەزنیان لەدەستدا، دەشڵێت: “گەلەکەمان هاوڕێیەکى گەورەى لەدەستچوو”.
ئۆجەلان لەبارەی دوایین دیداری نێوانیان لەگەڵ ئۆندەر کە 27ی شوبات رۆژی بانگەوازی ئاشتی و کۆمەڵگەی دیموکراتیی بووە، دەڵێت: “بەدەستى خۆى دوا رستەى پەیامەکەى نووسی و داواشیکرد هەر خۆی بیخوێنێتەوە”.
رێبەرە زیندانییکراوەکەی پەکەکە لەبارەی خواستی ئۆندەر بۆ ئاشتی دەشڵێت: ” خاوەنى توانایەک بوو شارەزایانە کارە نەرێنییەکانى بۆ ئەرێنى دەگۆڕی و زۆر باش دەیزانى ئاشتى چەند سوود بە هەمووان دەگەیەنێت، هەربۆیە ناکرێت هیواى ئۆندەر بۆ ئاشتى بە نیوەناچڵى بەجێبهێڵدرێت”.
