لڤین
پەرلەمانتارێكی عێراق ڕٍایگەیاند، توركیا پیلانی هەیە پارێزگاكانی نەینەوا و كەركووك داگیر بكات و داوا لە حكومەتی عێراق دەكات، چاو بەو فراوانبوونە مەترسیدارەی سوپای تورکیا لە خاکی عێراقدا بخشێنێتەوە.
یاسر حسێنی، ئەندامی پەرلەمانی عێراق دەڵێت: وەزارەتی دەرەوەی عێراقی بەرپرسیارە لە بوونی هێزەكانی توركیا لە وڵاتدا، بەهۆی لاوازی وەڵامدانەوەكان ئەم هێزانە فراوان بوون، توركیا پلانی هەیە پارێزگاكانی نەینەوا و كەركووك داگیر بكات، چونكە ئەو شارانە گرنگن لەلایەن توركیاوە.
ئاماژەی بەوەشكرد، پێویستە بێدەنگ نەبن لە مەترسییەكانی داگیركاریی توركیا لە وڵاتدا، پێویستە ڕێوشوێنی ڕێگری و كاریگەر لەلایەن حكومەتی عێراق و وەزارەتی دەرەوە بگیرێتەبەر بۆ ڕاگرتنی فراوانبوونی هێزەكانی توركیا.
حسێنی ئەوەشی خستەڕوو، پێشێلكارییەكانی توركیا گرژییەكان زیاتر دەكات و زیان بە پرۆسەی ئاشتی دەگەیەنن، هاوكات، هۆشداریدا سەبارەت بە سیناریۆیەك، كە هەڕەشە لە ئاسایشی وڵات دەكات، ئەویش بوونی گرووپی چەكدارە، كە لەلایەن توركیاوە مەشقیان پێكراوە و لە كامپی زلكانن.
