لڤین
ئەنجومەنی ئاسایشی هەرێمی کوردستان دانپێدانانی ئەنجامدەری هێرشەکەی جەژنی ئەکیتۆی لە دهۆک بڵاوكردەوە، هێرشكارەكە دەڵێت، فەرمانی لە سەركردەیەكی داعش وەرگرتوە.
رۆژی 1ی نیسانی 2025ی لە ئاهەنگی جەژنی ئەکیتۆ لە شاری دهۆک هێرش کرایە سەر ئاهەنگگێڕان و بەهۆیەوە دو کەس بریندار بون.
ئەنجومەنی ئاسایشی هەرێمی كوردستان لە راگەیەندراوێكدا ئاماژەی بەوەداوە كە هێرشکارەکە ناوی لوئەی عەبدولڕەحیم و ناسناوی ئەبوجوهەیمەن باغۆزییە. ئەو لە دانپێدانانەكە كە ئەنجومەنی ئاسایش بڵاویكردۆتەوە، دەڵێت، پێشتر دانیشتوی قامشلۆ بوم و ئێستا نیشتەجێی کەمپی دۆمیزم. لە 2024 لەرێگەی چاتەوە پەیوەندیم بە داعشەوە کرد و بەیعەتم دابوە رێکخراوەکە.
هەروەها دەشڵێت”وانەم لەبارەی خولی شەرعی، جیهادی و ئەمنی وەرگرتبوو و بۆ هێرشکردنە سەر مەسیحییەکان راسپێردرام و فەرمانم لە سەركردەیەكی داعش وەرگرت.
