لڤین
دوای ئەوەی ئەمڕۆ شەممە سێیەمین كۆنفرانسی بزووتنەوەی گۆڕان لە گردی زەرگەتەی شاری سلێمانی کۆتاییهات و تیایدا لیستی ناوە هەڵبژێردراوەکان راگەیەندرا کە تیایدا محەمەد تۆفیق رەحیم ژمارەی یەکەم بوو، ناوبراو لە لیدوانێکدا رەتیکردووەتەوە کە کاندیدبوبێت و دەڵێت “ناوی منیان بەکارهێناوە”.
محەمەد تۆفیق ڕەحیم یەکێكە لەدامەزرێنەرانی بزووتنەوەی گۆڕان ڕەتیدەکاتەوە خۆی بۆ کۆنفرانسی بزوتنەوەی گۆڕان باڵی گردی زەرگەتە کاندید کردبێت، ئەو کە بۆ میدیایکان دواوە، دهڵێت “ناوى منیان بهكارهێناوه”.
ئەو ئاماژەی بەوەداوە کە لەئێستادا لەشاری لەندەنە، هەروەها رەتیکردەوە کە ئەو بەشدار بوبێت و “تەنانەت ئاگادارى كۆنفرانسهكهى ئهمڕۆى باڵى گردهكهى گۆڕان (كوڕانى نهوشیروان مستهفا) نییم”.
محەمەد تۆفیق وتیشى “من پێشتریش وتومه، لەکاری سیاسی دورکەوتومهتهوه، ئاگاداریى کۆنفرانسەكهى ئهمڕۆش نیم و خۆشم بۆ پۆستی حزبیی کاندید نهكردووە”.
ئەوەش لەکاتێکدایە، ئەمڕۆ بزوتنەوەی گۆڕان محەمەد تۆفیق ڕەحیمی هەڵبژارد و لەلیستی ناوەکان ژمارەی یەکەمی دەرچوانی ئەندامانی جڤاتی نیشتمانی پێدابوو، ناوبراو لەرێگەی میدیاکانەوە ئەو پۆستەی رەتکردەوە و جەختیکردەوە لەوەی کە ناویان بەکارهێناوە.
