لڤین
نرخی تەماتە لەهەرێمی کوردستان بەرزبوەوە، بەرپرسی سەندیکای عەلوەی سلێمانیش دەڵێت، “هۆکارەکەی قەدەغەی هاوردەکردنی تەماتەیە”.
بهگوێرهى ئهو زانیاریانهى سەروەر عەلی بەرپرسی سەندیکای عەلوەی سلێمانی ئاشكرایكردوه، “ئەمڕۆ نرخی یەک کیلۆ تەماتە بەکۆ، هەزارو 100 دینارەو لەبازاڕەکاندا کیلۆی هەزارو 500 دینار بەرەو سەرەوەیە، ئهمهش لهكاتێكدایه هەفتەی پێشوو لەعەلوەکانی هەرێم کیلۆیەک تەماتە لە 650 بۆ 750 دینار بوو”.
وتیشى:”لەبەرژەوەندیی جوتیارانی ناوەڕاستو باشوری عێراق، لە26ى مانگى یهكهوه هاوردەکردنی تەماتە بۆ هەرێمی کوردستان قەدەغە کراوە، بۆیه بهدڵنیاییهوه بڕیارەکە بۆ بەرژەوەندیی جوتیارانی عێراق دراوهو ئێستاش تەماتەی بەسرە زۆر کەمبوەتەوەو تەماتە کەمە لەبازاڕدا”.
پێش بەرزبونەوەی نرخ، هیوا عەلی وتەبێژی وەزارەتی کشتوکاڵو سەرچاوەکانی ئاو لەهەرێم ڕایگهیاندبوو، “چاودێریی بازاڕ دەکەین، ئەگەر نرخی تەماتە بەرزبوەوە، خوێندنەوە بۆ بڕیارەکە دەکەین”.
جگە لەبڕیارەکەی زستانی ئەمساڵ، لەهاوینیشدا کە بەرهەمی تەماتەی هەرێم پێدەگات، هاوردەکردنی بەهەموو شێوەیەک قەدەغە دەکرێت.
