لڤین
وەزارەتی کارەبا ئاسایی بوونەوەی دۆخی کارەبای ڕاگەیاند و دەڵێت”بەرهەمهێنانەوەی کارەبا گەیشتەوە 3800 مێگاوات”.
وەزارەتی کارەبای حکومەتی هەرێم، لە ڕاگەیەندراوێکدا ڕایگەیاند، دوای ئەوەی بەهۆی دابەزینی پلەكانی گەرما، گرفتێكی تەكنیكی لە كێڵگەی كۆرمۆر دروستبوو كە كاریگەریی لەسەر هەناردەكردنی غاز بۆ وێستگەكانی بەرهەمهێنانی كارەبا هەبوو بەرهەمهێنانی کارەبا ئەمڕۆ کەمبۆوە.
ئاماژەی بەوەشداوە، دوای گرفتەکە تیمەکانی هەردوو وەزارەتی سامانە سروشتییەکان و وەزارەتی کارەبا توانییان چارەسەری گرفتەکە بکەن و بارودۆخی کارەبا ئاسایی بووەوە و بڕی بەرهەمهێنانی کارەبا گەیشتەوە 3800 مێگاوات.
