لڤین
بەپێی بڕیاری كۆمسیۆنی هەڵبژاردنەكانی عیراق، بڕیار دراوە بۆ كارمەندانی هەڵبژاردنی پەرلەمان كوردستان، بە سێ جۆر پارە دابەش بكرێت.
كۆمسیۆنی هەڵبژاردنەكانی عیراق بڵاویكردهوه “دەستیان كردووە بە ئامادەكارییەكان بۆ دابەشكردنی پاداشتی كارمەندانی سەر سندووقی دەنگدان”.
هەر كارمەندێك كە فەرمانبەری حكومەت نەبێت، بڕی 250 هەزار دینار وەردەگرێت، فەرمانبەری حكوومەتیش بێت بڕی 150 هەزار دینار وەردەگرێت.
بەپێی بڕیارێكی نوێی كۆمسیۆن، ئەو كارمەندانەی وەك كارمەندی یەدەگ دیاری كرابوون، ئەوا بڕی 50 هەزار دینار وەك پاداشت وەردەگرن و لەگەڵ كارمەندانی سەر سندووقی دەنگدان.
