لڤین
یاریزانێکی یانەی قوەجەوییەی عێراقی، سەرجەم ئەندامانی خێزانەکەی لە بۆردوومانێکی ئاسمانیی فڕۆکە جەنگییەکانی ئیسرائیلدا لە باشووری بەیروت کوژران.
ئەو یاریزانەی قوەجەوییە ناوی محەمەد باقر حسێنییە و بەڕەگەز لوبنانییە و درێسی ژمارە 55 یانەکە دەپۆشێت.
بەو بۆنەیەوە یانەی قوەجەوییە پرسە و سەرەخۆشی ئاڕاستەی یاریزانەکە کردووە و هەواڵی کوژرانی سەرجەم ئەندامانی خێزانی یاریزانەکەیان پشتڕاستکردووەتەوە.
بەرەبەیانی رۆژی 1ـی ئەم مانگە، فڕۆکە جەنگییەکانی ئیسرائیل باڵەخانەیەکیان لە باشووری بەیروت بۆردوومانکرد و جێگری بەرپرسی دۆسیەی فەڵەستینی حیزبوڵا کرایە ئامانج.
وەزارەتی تەندروستیی لوبنان رایگەیاند، بەهۆی بۆردوومانەکەوە چوار کەس کوژران و حەوت کەسی دیکەش برینداربوون.