لڤین پرێس – Lvin Press

AD-Asiacell
WhatsApp Image 2024-08-29 at 14.07.55_c3b45ed4
WhatsApp Image 2024-08-22 at 17.41.04_d511a687
962d5553-whatsapp-image-2024-01-07-at-13.55.45_cd8e30d4
ad3
ad2

سعودیە: لە رەمەزاندا 122 ملیۆن نوێژخوێن هاتوونەتە مەککە و مەدینە

لە رەمەزاندا ملیۆن نوێژخوێن چوونەتە مەککە و مەدینە scaled

لڤین

لە سعودیە و تەنیا لە ماوەی مانگی رەمەزاندا، زیاتر لە 122 ملیۆن نوێژخوێن و عومرەکار سەردانی هەردوو مزگەوتی پێغەمبەر لە مەدینە و مزگەوتی حەرەمیان لە مەککە، کردووە.

دەستەی گشتیی کاروباری مزگەوتی حەرام و مزگەوتی پێغەمبەر لە سعودیە رایگەیاندووە، ژمارەی نوێژخوێنان و عومرەکاران کە لە مانگی رەمەزانی ئەمساڵدا سەردانی هەردوو مزگەوتەکەیان کردووە، گەیشتوونەتە زیاتر لە 122 ملیۆن و 286 هەزار کەس.

دەشڵێت، تەنیا مزگەوتی حەرام پێشوازیی لە زیاتر لە 75 ملیۆن نوێژخوێن کردووە و مزگەوتی پێغەمبەریش پێشوازی لە زیاتر لە 30 ملیۆن نوێژخوێن کردووە و 16 ملیۆن و 558 هەزار کەسی دیکەش سوننەتى عومرەیان بەجێهێناوە.

دەستەکە پشتڕاستی کردووەتەوە، ئەم ئامارانە دەرەنجامی جێبەجێکردنی سیستمێکی یەکگرتووی خزمەتگوزاری و رێکارەکانی رێکخستنە، کە ئاسانکاری بۆ ئەنجامدانی رێوڕەسمەکانی نوێژخوێنان و عومرەکاران دەکات.

ئاماژەی بەوەشکردووە، ئۆپراسیۆنەکانی چاودێرییکردن بە بەکارهێنانی هەستەوەرە ئەلیکترۆنییە پێشکەوتووەکان، ئەنجامدراون، کە بە هەماهەنگی لەگەڵ لایەنە پەیوەندیدارەکان لە دەروازەکانی مزگەوتەکان دانراون.

لڤین پرێس
Scroll to Top
Enable Notifications OK No thanks