لڤین پرێس – Lvin Press

AD-Asiacell
WhatsApp Image 2024-08-29 at 14.07.55_c3b45ed4
WhatsApp Image 2024-08-22 at 17.41.04_d511a687
962d5553-whatsapp-image-2024-01-07-at-13.55.45_cd8e30d4
ad3
ad2

راوێژکارێکی سودانی: 11 کیلۆمەتری رێگەی گەشەپێدان بە دهۆکدا تێدەپەڕێت

upload

لڤین

ناسر ئەسەدی، راوێژکاری محەمەد شیاع سودانی سەرۆکوەزیرانی عێراق بۆ کاروباری گواستنەوە رایگەیاند، رێگەی گەشەپێدان بە هەرێمی کوردستاندا تێدەپەڕێت و 11 کیلۆمەتری پرۆژەکە دەکەوێتە سنوورى پارێزگای دهۆکەوە.

ناسر ئەسەدی، بە میدیاى فەرمیى عێراقى راگەیاند، لەسەر پرۆژەکە و تێپەڕینی بە دهۆکدا، لەنێوان بەرپرسانی حکومەتی عێراق و حکومەتی هەرێمی کوردستان هەماهەنگییەکی زۆر هەیە.

ئاماژەى بەوەشکردووە، رێگەی گەشەپێدان لە قۆناغی کۆتاییدایە و ئەوەی ماوە تایبەتمەندیی هونەری و دیزاینى کۆتایی پرۆژەکەیە.

ئەو راوێژکارە ئاماژەی بەوەشکردووە، لەمیانی کۆتا کۆبوونەوەی لیژنەی باڵای رێگای گەشەپێدان، گفتوگۆی پلانی ستراتیجی ئەمنی بۆ پاراستنی رێگاکە کراوە و ستراتیجی دیپلپۆماسی بۆ بازاڕکردنی پرۆژەکە دەکرێت، جگەلە هەماهەنگی و کاری سەرجەم وەزارەتەکانی دیکە بۆ ئەو پرۆژەیە.

لە مانگی ئایاری 2023، بە بەشداری وەزیرانی گواستنەوەی وڵاتانی سعودیە، توركیا، ئێران، ئوردن، سووریا، ئیمارات، كوەیت، قەتەڕ، عومان و نوێنەرانی یەكێتیی ئەوروپا و بانكی نێودەوڵەتی، كۆنگرەی رێگەی گەشەپێدان لە بەغداد بەڕێوەچوو.

پرۆژەی رێگەی گەشەپێدان، رێگەی وشکانیی پرۆژەکە هەزار و 190 کیلۆمەترە و لە ساڵی 2024 دەستیپێکردووە و بڕیارە لە ساڵی 2028 تەواو ببێت.

بە گوێرەی هەڵسەنگاندنەكانی وەزارەتی گواستنەوەی عێراق، رێگەی گەشەپێدان تێچووەکەی 17 ملیار دۆلارە، لە پارێزگای بەسرەوە دەستپێدەكات بە 10 پارێزگای عێراقدا تێدەپەڕێت و دەگاتە توركیا، داهاتی ساڵانەشی دەگاتە چوار ملیار دۆلار و 100 هەزار هەلیكار دەڕەخسێنێت.

لڤین پرێس
Scroll to Top
Enable Notifications OK No thanks