لڤین
پاش رووخانی دەسەڵاتی بەشار ئەسەد لە سووریا، تمەنی ئێرانی نزمترین ئاستی مێژوویی خۆی تۆمار کرد و بەهای 100 دۆلار لە تارانی پایتەختی ئێران گەیشتە 7 ملیۆن و 400 هەزار تمەن و 100 یۆرۆش بەرامبەر بە 7 ملیۆن و 700 هەزار تمەن مامەڵەی پێوە کرا.
تمەنی ئێرانی لە ماوەی چەند هەفتەی رابردوودا نزیکەی 20%ـی بەهاکەی لە دەستداوە، چاودێرانی دۆخی ئێران پێشبینیدەکەن بە ئەگەری زۆرەوە تمەن دابەزینی زیاتر بەخۆیەوە دەبینێت و بەهای 100 دۆلار دەگاتە 10 ملیۆن تمەن، هەموو ئەمانەش پەیوەندییان بە رووداوەکانی سووریا و لوبنانەوە هەیە.
بەهۆی سزاکانی ئەمریکا و وڵاتانی رۆژئاواوە بەهای تمەن لە ساڵی 2018ـوە بەردەوام رووی لە دابەزینە، لە ساڵی 2024ـدا 75%ـی بەهاکەی لە دەستداوە.
