لڤین
بەرپرسی راگەیاندن و پەیوەندی لە فەرماندەیی پۆلیسی کەرکوک رایگەیاند، داوا لەو کەرکوکییانە دەکرێت کە گەڕاونەتەوە شارەکە تاوەکو کاتی کۆتاییهاتنی قەدەغەی هاتوچۆ لە شارەکە بمێننەوە.
عەقید سابر محەمەد، بەرپرسی راگەیاندن و پەیوەندی لە فەرماندەیی پۆلیسی کەرکوک رایگەیاند، هێشتا قەدەغەی هاتوچۆ کاریپێدەکرێت و چەند کاتژمێرێک ماوە و کۆتاییدێت، داوا لە هاوڵاتییان دەکەین تا ئەو کاتە لە ماڵەکانیان بمێننەوە.
ئاماژەی بەوەشکرد، هەتاوەکو ئێستا بازگەكانی شارەكە بۆ هاتوچۆ بە رووی هاوڵاتییاندا بە ئاڕاستەی شارەكانی دەورووبەر نەكراوەتەوە و قەدەغەی هاتوچۆ تاوەکو 12:00ی شەو بەردەوام دەبێت.
