لڤین
سوپای ئیسرائیل ئاشکرایدەکات دوو ئەفسەری سوپاکەیان رۆژی هەینی لە غەززە کوژراون، بەمەش ژمارەی کوژراوانى نێو سوپاکە گەیشتە 702 سەرباز.
ماڵپەری سوپای ئیسرائیل بڵاویکردوەتەوە؛ دوو ئەفسەری سوپاکەیان لە غەززە کوژراون، دەشڵێت: بنەماڵەی دو ئەفسەرەکە لە هەواڵەکە ئاگادارکراونەتەوە.
بەمەش ژمارەی کوژراوانی سوپای ئیسرائیل لە 7ی ئۆکتۆبەرەوە بۆ 702 ئەفسەر و سەرباز بەرزبونەتەوە، ئەوە جگە لەو هاوڵاتییە سیڤیلانەى لە رۆژی یەکەمی هێرشى حەمماس بۆسەر ئیسرائیل کوژران کە ژمارەیان هەزار و 400 کەس بو، بەوەش کۆی ژمارەی کوژراوانی ئیسرائیل لەو جەنگەدا گەیشتە هەزار و 102 کەس.
هەر لە رۆژی یەکەمی هێرشەکەی حەمماس، 240 هاوڵاتیی ئیسرائیل بە بارمتە گیران کە لە ئێستادا کەمتر لە 100 کەس وەک بارمتە ماونەتەوە.
لەلایەکى دیکەوە؛ بەپێی ئامارەکانی وەزارەتی تەندروستی غەززە، 40 هەزار و 405 کەس کوژراون و 93 هەزار و 468 کەسیش بریندار بون.
