لڤین لە زاری شایەتحالێکەوە کردەوەییەکی ترسناک بڵاودەکاتەوە
یەکێکی تر لەو کارە قێزەونانەی که پارتی دیموکراتی کوردستان ئه‌نجامی داوه له‌درێژه‌یی پیشه‌یی هه‌میشه‌یی خۆیدا به‌رامبه‌ر به کۆمه‌ڵانی خه‌لکی هه‌رێم ،
پارتی له‌پێناو سیسته‌می سه‌لته‌نه‌تی خۆیی که یه‌کێکه له‌ئامانجه لەمێژینه‌یی یه‌کانی ئه‌م حیزبه ، هه‌میشه هه‌وڵی له‌ناوبردنی که‌سایه‌تیه ئاقڵمه‌نده‌کان ده‌دات ئه‌ویش به‌هۆیی هه‌بوونی ترسێکی زۆر له‌م که‌سایه‌تیانه که‌هاوکاریی و ڕێبه‌رایه‌تی بنیادنانی چینیی فشاربردن و چه‌وساندنه‌وه ده‌که‌ن و ڕۆلی گرنگ ده‌بینن له‌ئاشته‌وایی کۆمه‌لایه‌تی له‌ناوچه جیاوازه‌کانی هه‌رێم ، به‌تایبه‌تی له‌م ناوچانه‌یی که‌وتوونه‌ته سنووریی قه‌له‌مڕه‌ویی پارتی .
لێره‌دا ده‌مه‌وێ باس لەو کارە قێزەونەی گوندی کانی چرگانی ده‌ڤه‌ریی سوورچیایه‌تی سه‌ربه ناحیه‌یی هه‌ریر بکه‌م که له لایه‌ن پارتی دیموکراتی کوردستان ئه‌نجام درا ، ئه‌م کارەش کارێکی نامۆنیه چونکه ئه‌مه مشتێکه له گشتێك له قین و بوغزو عه‌قڵیه‌تی پارتی به‌رامبه‌ر به هۆزیی مه‌زڵومی سوورچی ، به‌لام ئه‌وه‌یی لێره‌دا گرنگه پێویسته وێنه‌یی ئه‌م کارە قێزەونە وه‌ك خۆیی بگه‌یه‌نرێت و ئه‌م مێژووه خاوه‌ندارییه‌تی و بژار بکرێت ، چونکه هه‌رکۆمه‌ڵگایه‌ك پشت به‌مێژوویی کۆمه‌لایه‌تی خۆیی نه‌به‌ستێت ناتوانێت ڕێگاکانی ژیانی ئازادو شه‌ره‌فمه‌ندانه هه‌لبژێرێت .
ئەم تاوانە قێزەونە لە
شه‌ویی ١٧ لەسەر ١٨ـی ٣ـی ٢٠٠٥ ده‌ست پێ ده‌کات ئەم کارە ته‌واو به بەرنامه‌و پلان بۆ داڕێژراو بوو له‌لایه‌ن پارتی ، ئه‌مه‌ش به‌هۆیی هه‌بوونی که‌سایه‌تی گه‌وره‌و ناوداریی هۆزیی سوورچی ( عارف حاجی حامد ) که له‌م گونده‌دا نیشته جێ بوو .
ئه‌م که‌سایه‌تیه وێڕایی کاره‌کانی له‌به‌ر ژه‌وه‌ندی چینی و هه‌ژاروو که‌م ده‌رامه‌ت ، له‌ڕوویی چاره‌سه‌رکردنی کێشه کۆمه‌لایه‌تیه‌کانیش ڕۆڵ و پێگه‌یی ئه‌و نه‌ك ته‌نها له‌ده‌ڤه‌ریی سوورچیایه‌تی به‌لکو به هۆیی ئه‌م ئه‌زموونه سه‌رکه‌وتووه‌یی که هه‌یه‌تی له‌بواریی جڤاکی دا هه‌ر له بادینانه‌وه تاوه‌کو ده‌ڤه‌ریی برادۆست ڕۆلی گرنگی بینیوه له معاله‌جه کردنی سه‌رجه‌م کێشه کۆمه‌لایه‌تیه‌کانی ئه‌م ناوچانه ،
هه‌ربۆ به‌رچاو ڕوونی کۆمه‌لانی خه‌لك ،
چه‌ند سالێك به‌ر له‌ئێستا به‌رپرسێکی پارتی له ناحیه‌یی سیده‌کانی ده‌ڤه‌ریی برادۆست کێشه له گه‌ڵ یه‌کێك له گونده‌کانی ئه‌م ناوچه یه دروست ده‌کات و ده‌ست ڕێژیی گوللة له‌چه‌ند که‌سێك ده‌کات سه‌رئه‌نجام چه‌ند هاوولاتیه‌ك به ناوه‌کانی ( حاجی خالند و سلیم حاجی خالند و مام ئاغۆك ) شه‌هید ده‌بن و چه‌ندانی تریش بریندار ده‌بن ،
دوایی ڕووداوه‌که مسعود بارزانی هه‌ولی دا بۆچاره‌سه‌رکردنی کێشه‌که به‌لام سه‌رکه‌وتوو نه‌بوو ، بۆ دواجار داوایی له عارف کانی چرگانی کرد بۆچاره‌سه‌رکردنی کێشه که خۆش به‌ختانه توانی زۆر به‌سه‌رکه‌وتووی معاله‌جه‌یی بکات ،
وه‌له‌کاتی ئه‌نفالی بارزانیه‌کان ئه‌م که‌سایه‌تیه ڕۆلی گرنگی هه‌بووه له‌یارمه‌تی دانیان چه‌ندین خه‌لکی ئه‌م ناوچه‌یه له‌سه‌رده‌ستی ئه‌و ڕزگارکراون ،
به‌لام ئه‌م خانه‌واده‌یه له‌بریی ئه‌وه‌یی ڕێزیان لێ بگیرێت و ستایشیان بکرێت هه‌لسان به‌دانانی چه‌ندین نه‌خشه‌وپلان بۆ له‌ناوبردنیان ،
دواجار له‌شه‌ویی ١٧ لەسەر ١٨ـی ٣ـی ٢٠٠٥ کێشه‌یه‌كی کۆمه‌لایه‌تی له گوندی به‌ردین له‌نێوان دوو خانه‌واده ڕووده‌دات وه‌ك هه‌موو جارێك پیشه‌یی سه‌رشانی خانه‌واده‌یی کاك عارف ، له‌سه‌ر داوایی هاوولاتیانی ئه‌م گونده به‌هۆیی باوه‌ڕ نه‌بوون به‌دادگاکان په‌نایان بۆ خانه‌واده‌یی عارف کانی چرگانی هێنا بۆ ئه‌وه‌یی ڕۆلی خۆیان بگێرن له‌چاره‌سه‌رکردنی ئه‌م کێشه‌یه و قسه‌یی خێریی تێدا بکه‌ن ، خۆش به‌ختانه توانرا کێشه‌که کۆتایی پێ بێت ،
به‌لام له‌کاتی گه‌ڕانه‌وه‌یاندا ئاسایشی پارتی به‌پاساویی یه‌کێتی بوون ڕێگه‌یان له‌کاك عزیز برایی کاك عارف گرت به به‌رچاویی هاوولاتیانی ئه‌م ناوچه‌یه کاك عزیز شه‌هید کرا ، له‌گه‌ڵ ئامۆزایه‌کی به‌ناوی مشیر
یه‌کێکی تریش زۆر به‌سه‌ختی بریندار کرا ، ئینجا پارتی به‌ته‌واویی بۆیی لوا که‌وا ده‌ستبه‌سه‌ر سه‌روه‌ت و سامان و ماڵ و مولکیان دابگرێت و له‌گه‌ڵ ده‌ربه‌ده‌رکردنی په‌نجا ماڵ له‌خانه‌واده‌یی کاك عارف و محروم کردنیان له‌زێدی خۆیان .
به‌ڵام زه‌مینی ڕه‌قی واقیع ئه‌وه‌مان پێ ده‌ڵێت که‌وا پارتی دیموکراتی کوردستان به‌درێژایی مێژوویی خۆیی دیلی خه‌یاله‌کانی له‌ناوبردنی که‌سایه‌تییه خاوه‌ن پێگه و کاریگه‌ره‌کانه ، چونکه باش له‌وه تێگه‌یشتووه که‌وا که‌سایه‌تی ئاوا هه‌رگیز ئاماده‌نیه تاجی ده‌سه‌لات له‌سه‌ریی پارتی بنێت و بۆئه‌وه‌یی چۆنی بوێت وا کۆمه‌ڵگا ببات به‌ڕێوه .
سوپاس بۆ نووسەری ئـەم بابەتە لەبەر پاراستنی گیانی ئـەو برا خۆشەویستە ناوەکەم نەنوسیوە لەبەر ئـەوە دلنیام جارە نوسی وەکو خۆمان و شەھیدانی رێگای ئـازادی دەبێت …….
