لڤین

له‌ ئێستادا هێرشبه‌رێكى نێوده‌وڵه‌تى و پیشه‌گه‌رى كورد كه‌ (ده‌نیز ئونداڤ)ه‌، سه‌رتۆپى گرانترین گواستنەوەكانی یانه‌ى شتوتگارت-ى به‌شدار له‌ بۆندس لیگاى ئه‌ڵمانیا-ى گرتووه‌.

ده‌نیز ئونداڤ-ى هێرشبه‌رى به‌ ڕه‌چه‌ڵه‌ك كوردى هه‌ڵبژارده‌ى تۆپى پێى ئه‌ڵمانیا، پاش ئه‌وه‌ى به‌ به‌هاى 27 ملیۆن یۆرۆ له‌ بازاڕى هاوینه‌ى گواستنه‌وه‌ى یاریزاناندا له‌ یانه‌ى برایتۆن-ى ئینگلیزى په‌یوه‌ندى به‌ یانه‌ى شتوتگارت-ى ئه‌ڵمانى كرد، بووه‌ سه‌رتۆپى گرانترین گواستنه‌وه‌كانى یانه‌ نوێیه‌كه‌ى.

*ریزبه‌ندى 8 گرانترین گواستنه‌وه‌كانى یانه‌ى شتوتگارت-ى ئه‌ڵمانى به‌مشێوه‌یه‌:

1-ده‌نیز ئونداڤ-ره‌گه‌ز: كورد/ ته‌مه‌ن 28 ساڵ، ساڵانى (2024 تا 2027) به‌رامبه‌ر به‌ بڕى 27 ملیۆن یۆرۆ.

2-ئێرمێدین دێمیروڤیچ-ره‌گه‌ز: بۆسنى/ ته‌مه‌ن 26 ساڵ، ساڵانى (2024 تا 2028) به‌رامبه‌ر به‌ بڕى 21 ملیۆن یۆرۆ.

3-نیكۆلاس گۆنزالێز-ره‌گه‌ز: ئه‌رجه‌نتینى/ ته‌مه‌ن 26 ساڵ، ساڵانى (2018 تا 2021) به‌رامبه‌ر به‌ بڕى 11.26 ملیۆن یۆرۆ.

4-ئۆزان كاباك-ره‌گه‌ز: توركى/ ته‌مه‌ن 24 ساڵ، ساڵانى (2018 تا 2019) به‌رامبه‌ر به‌ بڕى 11 ملیۆن یۆرۆ.

5-سیرهۆ گیراسى-ره‌گه‌ز: فه‌ڕه‌نسى-گینی/ ته‌مه‌ن 28 ساڵ، ساڵانى (2023 تا 2024) به‌رامبه‌ر به‌ بڕى 9 ملیۆن یۆرۆ.

6-پابلۆ مافێۆ-ره‌گه‌ز: ئه‌رجه‌نتینى-ئیسپانی/ ته‌مه‌ن 27 ساڵ، ساڵانى (2021 تا 2022) به‌رامبه‌ر به‌ بڕى 9 ملیۆن یۆرۆ.

7-زدراڤكۆ كوزمانۆڤیچ-ره‌گه‌ز: سویسرى-سربى/ ته‌مه‌ن 36 ساڵ، ساڵانى (2009 تا 2013) به‌رامبه‌ر به‌ بڕى 8 ملیۆن یۆرۆ.

8-سیلاس كاتومبا مفومبا-ره‌گه‌ز: كۆنگۆيى/ ته‌مه‌ن 25 ساڵ، ساڵانى (2019 تا 2026) به‌رامبه‌ر به‌ بڕى 8 ملیۆن یۆرۆ.