لڤین
ئیدارەی خۆسەری باكور و ڕۆژهەڵاتی سوریا ڕۆژی چوارشەممە داوای لە دیمەشق كرد هەنگاو بەرامبەر هێرشەكانی توركیا بۆ سەر باكوری وڵاتەكە بنێت.
ئیدارەی خۆسەر لە بەیاننامەیەكدا لە رەقە ڕایگەیاند، “هێرشی توركیا بۆ سەر ناوچەی بەنداوی تشرین و بەردەوامی داگیركاری توركیا بۆ سەر ناوچەكانی سوریا پێچەوانەی یاسا نێودەوڵەتییەكانە و هێرشێكی ئاشكرایە بۆ سەر سوریاییەكان”.
ئاماژەی بەوەشكرد: پێویستە حكومەتی دیمەشق بەرپرسیارێتی خۆی لە ئەستۆ بگرێت و كۆتایی بە داگیركارییەكان بهێنێت و لە بەرامبەر هێرشەكانی سەر خاكی سوریا هەڵوێستی هەبێت.
داواشی كرد هیچ لایەنێك لە كۆنفرانسی دیالۆگی نیشتمانی كە بڕیارە لە داهاتوویەكی نزیكدا بەڕێوەبچێت، بەدەر نەكرێت، ئاماژەی بەوەشكرد “دەبێت گوزارشت لە ئیرادەی هەموو سوریاییەكان بكات و نابێت هیچ پێكهاتەیەك لە سوریا بەدەر بكرێت”.
