ژیانی پیرەمێرد دەكرێتە فیلم

فیلمێك لەسەر ژیانی پیرەمێرد و لایەنە شاراوەكان بەرهەم دەهێنرێت و دەرهێنەری فیلمەكەش ڕایگەیاند، غەدرێكی زۆر لە پیرە مێرد كراوە و بەگوێرەی پێویست ئاوڕی لێ نەدراوەتەوە.

لە درێژەی گرنگیدانەكانی بەلایەنی هونەری، كەناڵی (NRT) فیلمێكی بەڵگەنامەی لە سەر ژیانی شاعیر و ڕۆشنبیری كورد پیرەمێرد بەرهەم دەهێنێت كە بە شێوەیەكی‌ هونەرییانە باس لە ژیانی پیرەمێرد دەكات و بۆ یەكەم جار چەندین لایەنی شاراوەی ژیانی دەخاتە ڕوو ‌.

ئومێد شەكیبا دەرهێنەری فیلمەكە بە NRT2‌ ڕاگەیاند: "فیلمەكە خزمەتێكی بچوكە بە ژیانی پیرەمێرد كە غەدرێكی زۆر لە كار و هەوڵەكانی كراوە و بە گوێرەی پێویست ئاوڕی لێ نەدراوەتەوە.

شەكیبا ئەوەشی وت: كارەكەی ئێمە، تەنها پیشاندانی فیلمێك لەسەر ژیانی پیرەمێرد نیه،‌ بەڵكو لە ڕێگەی وەرگرتنی ڕای كەسانی پسپۆڕ لەسەر ژیانی پیرەمێرد و نیشاندانی خزم و كەسەكانیەوە هەوڵدەدەن چەندین لایەنی جیاواز و شاراوەی ژیانی بخەیەنە ڕوو.

ئەو دەرهێنەرە ئاماژەی‌ بەوەش كرد‌، "بۆ بەرهەمهێنانی فیلمەكەیان پشتیان بە ماڵەكەی پیرمێر لە گەڕەكی سابونكەران و ئارامگە هەمیشەییەكەی لە گردی مامەیارە و چاپخانەكەی بەستووە "‌.

ئەم فیلمە بەرهەمی كەناڵی NRTیە و لەلایەن گریڤان فەرمانەوە وێنەی گیراوە و میركۆ ئەحمەد كاری ڕوناكی بۆ كردووە، لەلایەن هەرێم لەتیف مۆنتاژ دەكرێت ‌ و شاعیری لاو بەڵێن سەنگاوی بە خوێندنەوەی تێكست تێیدا بەشدارە كە بڕیارە لە ئایندەیەكی نزیكدا پەخشبكرێت.




PM:07:11:08/04/2015

ئه‌م بابه‌ته 3683 جار خوێنراوه‌ته‌وه‌‌
زیاتر ...
یەکەم عەیبی ئایفۆنx بڵاو کرایەوە
پیس بونی هەوا دەبێتە هۆی نەخۆشی گورچیلە
نۆیه‌مین خه‌ڵاتی لومیێر به‌ وۆنگ کاروای ده‌به‌خشرێت
حه‌فتاهه‌مین فێستیڤاڵی نێوده‌وڵه‌تی فیلمی کان ده‌ست پێ ده‌کات
كارزان مه‌حموود موسیكی خۆی ده‌گه‌یه‌نێته‌ جیهان
ڤیدیۆ: ڕۆژنامەنووسێک بە وتنەوەی گۆرانیەک هونەرمەندان سەرسام دەکات
هه‌شته‌مین خه‌ڵاتی فێستیڤاڵی سینه‌مایی لومیێر پێشکه‌ش به‌ کاترین دێنێڤ کرا
هه‌شته‌مین خه‌ڵاتی فێستیڤاڵی سینه‌مایی لومیێر پێشکه‌ش به‌ کاترین دێنێڤ کرا
وێنە : ‌خانمه‌ هونه‌رمه‌ندێكی كورد 27 تاتۆی له‌سه‌ر جه‌سته‌ی كردووه‌
وێنە "بە عەلاگەی خۆڵیشەوە هەر سێكسیم"
وتار
وەرزش
گۆڤاری لڤین
318
ژمارە
گۆڤاری لڤینی نوێ
بەشداریکردن