میدیای كوشندە

هانا شوان
07.09.2019

ژنێك لەبەردەم دادگا لەلایەن هاوسەرەكەیەوە بە شەش فیشەك كوژرا ،ژمارەیەك كەنالی میدیاییش  جگە لەوە پاساویان بۆ تاوانەكە هێنایەوە بوونە داوەرو بكوژەكانیان كردە خاوەن ماف و كوژراوەكەشیان وا وێنا كرد كەشایانی كوشتنەو بەمەش بەتەواوی لە پەیامی گەیاندنی حەقیقەت بە یبَلایەنی نەك دور كەوتنەوە بەڵكو پێشێلیان كردو جارێكی تر بە ووشەكانیان ژنەكەیان كوشتەوە .

فیشەكەكانی میدیا بەرامبەر ئەو ژنەو ژنانی تری قوربانی بەرامبەر سەرجەم ژنانە ئەو میدیایانەی ئاگایانە ئەجێندای عەشیرەت و خێڵ و عەقڵیەتی دواكەوتوو كە سەرچاوەو دامەزرێنەری كەناڵەكانیانە جێبەجێ دەكەن، بەردەوامن لە كوشتنی ژنان ئەو كاتەی پەیامنێر لەبری گەیاندنی حەقیقەت دەبێتە داكۆكیكاری سەرسەخت لەو عەقڵیەتە دواكەوتوەی پیاوی پێ ڕاست و مرۆڤەو ژنی پێ سەرچاوەی هەڵەیە بەتەواوی میدیا دەكەوێتە بەرەی دژ بە مرۆڤ.

ژنانی ئەم هەرێمە لە سایەی  ئەو دامەزراوە بێخەم و بێباكانەی كەهەیە، ژیانیان پارێزراو نییە و میدیاشی بۆ زیادبوو، ئاڕاستەكردنی میدیایی تاوانەكە بەوەی كە ژنەكە سەرچاوەی تاوانەو ناپاكی هاوسەریی كردووە هەر بۆیە كوژرا جگە لەوەی پاساو هێنانەوەیە بۆ تاوان دژایەتی كردنی سەرجەم ئەو میتۆدانەی راگەیاندنە كە جەخت لە بێلایەنی و توانا دەكەنەوە لە كاتی روماڵكردنی روداوەكان بە تایبەت تاوانەكانی دژ بە ژنان ناتوانم نكولیی لەوە بكەم كە  كاركردنی میدیایی بەمشێوەیە ڕەنگدانەوەی ئەو بێباكی و ناحەقیانەی كۆمەڵگایە بەرامبەر بە ژنان ، خۆدزینەوەشە لەوەی كە كۆی كۆمەڵگە بە ژن و پیاوەوە بەرپرسن لەم تاوانانە و كۆی ئەو دەزگایانەش كە ئەو ژنەیان بەكوشتدا. 

پێشتر هەموان لە ئاست تاوانەكانی دژ بە ژناندا بێدەنگیان هەڵدەبژارد و هاواری تاساوی ژنان دژ بە تاوانەكان كپ دەبوو، بەڵام چەند بابەتێك سەبارەت بە تاوانی كوشتنی ئەو ژنە  بە راشكاوانە لەسەر تاوانبار بوونی كومەڵگەو دەزگاكانی حكومەت نوسراوە، زۆر لە مێژ بوو دەبوو دام و دەزگاو میدیا خێڵ پەرستەكانی بەشدارو پاساو هێنەر بۆ تاوانەكان دادگایی بكرانایە نەك ژنێكی بێلانەو بێكەس  دوای شەش دانیشتنی دادگا ئینجا بگەنە ئەو بڕوایەی هەڕەشەی كوشتنی لەسەرە و بیخەنە بەردەم بكوژەكە و ئەویش خوێنی بەسەر شەقامەكەدا بڕژێنێت .

زیاتری نوسەر

copyright 2019, All Rights Reserved Developed by TeraTarget for Digital Intelligence and IT Innovations