ترەمپ و هەڵۆكانی....

سەنگەر سەیدقادر
01.09.2019

لە ساڵی ڕابردودا ئیدارەكەی ترەمپ شڵەژانی تێكەوت،بەجۆرێك بە هۆی ناكۆكیانەوە لەگەڵ ترەمپدا تائێستا ٧٢ بەرپرس كۆشكی سپی و حكومەتی ئەمەریكا كابینەكەی ترەمپیان جێهێشتوە لە دیارترین ئەو بەرپرسانە ماك ماستەری ڕاوێژكاری ئاسایشی نیشتمانی و ڕیك تیڵرسنی وەزیری دەرەوە و جیمیس ماتیسی وەزیری بەرگری بوون، كە ئەمانە بە باڵی میانڕەوی ناو ئیداڕەكەی ترەمپ ناسراوبوون.

بەڵام لە دوای دەست لەكار كێشانەوەیان مایك پۆمپیۆ وەك وەزیری دەرەوە و جۆن بۆڵتن وەك ڕاوێژكاری ئاسایشی نیشتیمانی  جێگایان گرتنەوە، بەوەش باڵی توندڕەوی كۆماریەكان كە بە ( هەڵۆكانی كۆشكی سپی) ناسراون دەستیان بەسەر دەسەڵات و بڕیاری كۆشكی سپی دا گرت كە بریتین لە ( جۆن بۆڵتن و مایك پۆمپیۆ و مایك پێنسی جێگری ترەمپ و گارید كۆشنەری زاوای ترەمپن).

 لە دوای كۆبونەوەی ئەم گروپە پێكەوە لە كۆشكی سپی گۆڕانكاری گەورە بە سەر سیاسەتی ئەمەریكا لەسەر ئاستی دەرەوەدا هات بە تایبەت لە پرسی كۆریای باكور و ئێران و چین و توركیا و فەنزەویلا و ڕوسیا دا.

بەڵام ئەم كۆدەنگیەی هەڵۆكانی كۆشكی سپی زۆری نەخایاند ئەوەش بەهۆی  كۆبونەوەكەی ئێوارەی ٢٠١٩/٦/٢١ كۆشكی سپیەوە بوو

 كۆبونەوە لەسەر لێدانی ئێران:

 لە دوای ئەوەی ئێران لە ٦/٢٠ فڕۆكەیەكی ئەمەریكی خستە خوارە ئێوارەی ٢٠١٩/٦/٢١   لەسەداوای ترەمپ مایك پۆمپیۆ و بۆڵتن و كۆشنەر و میك مۆلڤانی بەرپرسی گەورە كارمەندانی كۆشكی سپی و ڕاوێژكارەكانی ترەمپ كۆ دەبنەوە  بۆڵتن و پۆمپیۆ پێشنیار بۆ ترەمپ دەكەن كە  هێرش بكاتە سەر ئێران لە وەڵامی خستنە خوارەوەی فڕۆكەكەدا.

ڕاگرتنی هێرشكردنە سەر ئێران جۆن بۆڵتن توڕە دەكات و ساردی دەكەوێتە پەیوەندیەكانیان و ترەمپیش متمانەی بە بۆڵتن و پۆمپیۆ نامێنێت پێی وایە هانیان داوە بۆ شەڕێك كە ئەگەری هەبوو ئایندەی سیاسی كۆتای بێبێنێت

بۆڵتن ٥٠ ئامانج ئێرانی دەخاتە بەردەم ترەمپ بۆ ئەوەی بكرێنە ئامانج  و ترەمپ بە پێشنیارەكەی بۆڵتن ڕازی دەبێت بڕیاری هێرش كردنە سەر ئێران دەردەكات.

بەڵام دوای هەموو ئامادەكاریەكان ترەمپ بە تەلەفونێك هێرشەكە ڕادەگرێت هۆكاری ڕاگرتنی هێرشەكەش دەگەڕێتەوە بۆ ڕاوێژی چەند ڕاوێژكارێكی ترەمپ و  جینا  هاسبێلی سەرۆكی دەزگای هەواڵگری CIA كە بەترەمپ ڕادەگەیەنن ئێران ڕایگەیاندوە وەڵامی دەبێت بۆ هێرشەكانی ئەمەریكا بەوەش گیانی هەزاران سەربازی ئەمەریكی لە سوریا و عێراق و كەنداو دەكەوێتە مەترسیەوە بۆیە ترەمپ بڕیار دەدات هێرشە ڕابگیرێت

سەرەتای كێشەی ترەمپ و هەڵۆكان:

ڕاگرتنی هێرشكردنە سەر ئێران جۆن بۆڵتن توڕە دەكات و ساردی دەكەوێتە پەیوەندیەكانیان و ترەمپیش متمانەی بە بۆڵتن و پۆمپیۆ نامێنێت پێی وایە هانیان داوە بۆ شەڕێك كە ئەگەری هەبوو ئایندەی سیاسی كۆتای بێبێنێت، بۆیە لەوە نەدواوە ترەمپ كەمتر لە پرسی ئێران و  كۆریای باكوردا ڕاوێژەكانی جۆن بۆڵتنی وەرەگرتووە.

لە دوای ئەگەری هەڵبژاردنەوەی ترەمپ وەك سەرۆكی ئەمەریكا ڕەنگە مایك پۆمپیۆ لە كابینەكەی ترەمپ دوربخرێتەوە و لەبری ئەو گارید كۆشنەری زاوای زاوای وەك وەزیری دەرەوە دەستنیشان بكات، بەڵام مانەوەی بۆڵتن ئەگەرێكی بەهێزە چونكە ترەمپ بۆ شەڕی داهاتوو پێویستی پێیەتی

هۆكاری ناكۆكی ترەمپ و مایك پۆمپیۆ جگە لە پرسی ئێران پەیوەستە بە نیگەرانیەكانی پۆمپیۆوە لە دەستێوەردانەكانی گارید كۆشنەر لە كاروباری وەزارەتی دەرەوە دا بە تایبەت لە پرسی فەلەستین و پرسەكانی ڕۆژهەڵاتی ناوەڕاستدا.

هەر بۆیە چەند ڕۆژێك پێش  ڕاگەیاندنی ڕێكەوتنی سەدە لە لایەن گارید كۆشنەرەوە لە ٧/٢٦ ئەمساڵدا مایك پۆمپیۆ هێرشێكی توندی كردە سەر پرۆژەكە و ڕایگەیاند پڕۆژەیەكی خەیاڵی كاڵ و كرچە و هیچ لایەنێك پێی ڕازی نیە و هیچ ئەنجامێكیشی نابێت.

كێشەی ئێستا بۆڵتۆن و ترەمپ:

 بەپێی ڕاپۆرتی ئەمڕۆی ڕۆژنامەی واشنتن پۆست ترەمپ بۆڵتنی لە پرسی دانوستانەكانی ئەمەریكا و تاڵیبان دورخستوەتەوە و ترسی ئەوەی هەبووە بۆڵتن دانوستانەكان تێكبدات چونكە دژی ڕێكەوتنەكەیە لەگەڵ تاڵیبان، هەربۆیە ترەمپ پرسی دانوستانەكانی ئەمەریكا و تاڵیبانی بەتەواوی بە زاڵمای خەلیلزاد سپاردوە.

هەربەپێی ڕاپۆرتەكەی واشنتن پۆست بۆڵتن داوای كۆپیەك لە ڕەشنوسی ڕێكەوتنەكەی  لەگەڵ تاڵیباندا كردوە بەڵام زاڵمای خەلیلزاد ڕەتی كردوەتەوە ڕەشنوسەكەی پێی بدات و پێی ڕاگەیاندوە كەلەگەڵ بەرپرسێكی باڵای كۆشكی سپیدا دەتوانێت لە نوسینگەكەی ترەمپ ڕەشنوسەكە بخوێنێتەوە كە ئەمە بۆڵتنی زۆر توڕە كردوە و ناڕەزایەتیەكانی گەیاندوەتە ترەمپ و دواتر كۆپیەك لە ڕێكەوتنە ڕەوانەی ئاسایشی  نیشتمانی ئەمەریكا كراوە كە بۆڵتن ڕاوێژكاری ئەنجومەنەكەیە.

لە ئێستادا ناكۆكی قوڵ لە نێوان بۆڵتن و پۆمپیۆ و ترەمپدا هەیە بەڵام بە هۆی نزیكبونەوەی هەڵمەتی هەڵبژاردنەكانەوە ترەمپ نایەوێت ئاڵۆزی لەناو كابینەكەیدا دروست بكات و دووریان بخاتەوە

هەرچەند لە ئێستادا ناكۆكی قوڵ لە نێوان بۆڵتن و پۆمپیۆ و ترەمپدا هەیە بەڵام بە هۆی نزیكبونەوەی هەڵمەتی هەڵبژاردنەكانەوە ترەمپ نایەوێت ئاڵۆزی لەناو كابینەكەیدا دروست بكات و دووریان بخاتەوە بەهۆی نفوزی فراوانیانەوە لەناو كۆنگرێس و شەقامی ئەمەریكیشدا.

بەڵام لە دوای ئەگەری هەڵبژاردنەوەی ترەمپ وەك سەرۆكی ئەمەریكا ڕەنگە مایك پۆمپیۆ لە كابینەكەی ترەمپ دوربخرێتەوە و لەبری ئەو گارید كۆشنەری زاوای زاوای وەك وەزیری دەرەوە دەستنیشان بكات، بەڵام مانەوەی بۆڵتن ئەگەرێكی بەهێزە چونكە ترەمپ بۆ شەڕی داهاتوو پێویستی پێیەتی مەگەر ئەوەی خۆی دەست لەكار بكێشێتەوە.

copyright 2019, All Rights Reserved Developed by TeraTarget for Digital Intelligence and IT Innovations