کوردستان بەرەو فاشیزم!

ئەحمەد رەفیق
18.06.2019

(بەشی یەکەم)
کورترین پێناسەی ئایدۆلۆجیای فاشیزم بریتییە لە" گشتگەرایی" واتە پارتێکی سیاسی دیاریکراو لە وڵات دەست بگرێت بەسەر؛ تەواوی جومگەکانی وڵات، بەسەر ھەمو دام و دەزگاکان و میدیاکان، بە جۆریک کە فەزایەکی تایبەت یان حزب و ڕێکخراوی سەربەخۆ نابینرێت. لەم وتارەدا مەبەستمان هەر بە تەنها پارتیی نییە وەک حزبێکی دیاریکراو، بەڵکو هەمو پڕۆسەی سیاسییە لە هەرێمی کوردستان لە ناویدا دەرکەوتنی پارتیی وەک رێکخراوێکی سیاسیی "تاک حزبی/تاک سەرۆک"ی، کە بەندە بە مەترسییەکی جددیی دەزانم بۆ سەر ئەزمونی "هەرێمی کوردستانیی عیراق" کە بە دوری نازانم تەواوی سیستمەکە بەرەو ئایدۆلۆجیای فاشیزم بڕوات.

جاران پارتییەکان دروشمێکیان هەبو شەو رۆژ لە سەر‌ زاریان بو دەیانگوت (پێشڕەوی کورد پارتییە، سەرۆکمان بارزانییە) جا لەسەر ئەو دروشمە، حکایەت و بەسەرهاتی خۆش هەن من ناچمەوە سەریان، بەڵکو دەمەوێ هەڵوەستە لە سەر "حزبی پێشڕەو" بکەم و باری سەرنجی خۆمی لەسەر دەرببڕم کە هەنوکە خەریکە دەبێ بە واقیع!
دیارترین ئەو روداو و کارەساتانەی کە بەهۆی "حزبی پێشڕەو/حزبی قائید" لە دونیادا رویانداوە، جەنگی دووەمی جیهانیی و ئاکامەکانیی بو، کە بوە هۆی لەناوبردنی سەدان ملیۆن کەس، هەروەک مرۆڤایەتیشی توشی قات و قڕی و دواکەوتویی کرد
ئەڵبەتە بە تێهەڵچونەوە بە مێژوی گەلان و سەد ساڵی رابردوی مرۆڤایەتیی، بۆمان رون دەبێتەوە ئەو گەل و نەتەوە و دەوڵەتانەی کە خاوەنیی (حزبی پێشڕە/حزبی قائید) بون چ تەهلوکە و ماڵوێرانییەکیان بە دوای خۆیاندا هێناوە.. هەندێ جاریش چەندین دەوڵەت و نەتەوەشیان بە ئاگری "حزبی پێشڕەو/حزبی قائید" سوتاندوە.

دیارترین ئەو روداو و کارەساتانەی کە بەهۆی "حزبی پێشڕەو/حزبی قائید" لە دونیادا رویانداوە، جەنگی دووەمی جیهانیی و ئاکامەکانیی بو، کە بوە هۆی لەناوبردنی سەدان ملیۆن کەس، هەروەک مرۆڤایەتیشی توشی قات و قڕی و دواکەوتویی کرد. حزبی فاشی بە سەرکردایەتیی موسولینی لە ئیتاڵیا و، نازییەت بە سەرکردایەتیی هیتلەر لە ئەڵمانیا، دوو نمونەی زیندوی ماڵوێرانی و کارەساتی ئاکامی "حزبی پێشڕەو/حزبی قائید"ن لە رابردودا.

هەروەها گەلانی (عیراق)یش بێبەش نەبون لەو ماڵ وێرانییەی کە بەهۆی "حزبی پێشڕەو/حزبی قائید"وە روبەڕویان بوەتەوە. ئەوتا حزبی بەعس و سەدام حوسێن، گەلانی عیراقیان دوچاری تەهلوکەیەک کرد کە تاکو ئێستا باجی مڵهوڕی و سەرکێشییەکانیی "حزبی پێشڕەو/حزبی قائید" دەدەن و، بەهۆی تاک-حزبی و تاک-سەرۆکەوە وڵاتەکە بوەتە جەنجەڵستان و گومان دەکرێ تا چەند دەیەیەکی تریش وڵات ئاسایی ببێتەوە!

copyright 2019, All Rights Reserved Developed by TeraTarget for Digital Intelligence and IT Innovations