گۆڕان پێویستی بەهێزی چەکدار هەیە؟!

هەرێم مەجید
12.06.2019

بەدرێژایی دەسەڵاتی یەکێتی و پارتی،جۆرە عەقڵیەتێکیان بەرهەم هێناوە و جۆرێک لە حەقیقەتیان پێبەخشیوە،کەهیچ کەس و دەستەو گروپێک پارێزراو نابێت کەهێزی نەبێت،بۆیە ئەم دوو هێزە،هەمیشە لەوە ترساون ببن بەکەمینە،بەردەوام گرنگیان داوە بەهێزی سەربازی و دەرخستنی هێزی بازوو خەڵک و هێزەکانی تر،تا پێیان بڵێن لەژێر هەیمەنە و ڕێسای حیزبی ئێمەدا بونی فیزیکی هەرتاکێک لەدەسەڵاتی ئێمەیە  کێمان بوێ دەژی و کێشمان نەوێ دەبێت لەترسێکی حەقیقدا بژی و خۆی بداتە  دەست هێزێکی نادیار.

لەو ساتەوەی هێزی چەکداری فڵان و فیسارو ئەم حیزب و ئەو حیزب لەگەشەکردندایە،هەموان هاواردەکەین بابەسبێت بەخشینەوەی چەک،باچیتر ژیانی خەڵک بێ بەها نەکرێت و بەختیاری کەسانی تر هەڵنەلوشرێت،باچیتر لەڕێی کەسانی نامۆوە بەحکوم بەمەرگ نەکرێین،بەڵام نەک نەتان توانی بەر بەمە بگرن بەڵکو یاساتان دا بە ڕەوایەتی چەک هەڵگرتن،کۆمەڵگاتان بردە دۆخێک کەس لەخۆی ئەمین نییەو بۆ پارێزگاری کردن لەخۆی چەک هەڵئەگرن.

دروست بونی ئەم بزوتنەوەیە لە کۆمەڵێک کەسی بەئەزمونی سەربازی قۆناخی شاخ دروست بوون و پێگەی سیاسی بەهێزیشیان هەیە،کەدەتوانن خۆیان بپارێزن، ئەمە جگە لەوەی گۆڕان خاوەن سەدان پاسەوانە کەلایەن حومەتی هەرێمەوە ڕێگە پێدراون و سەر بەوەزارەتی ناوخۆن،کە دەتوانرێ باش ڕابهێنرێن و پارێزگاریان پێ لەخۆیان بکرێ،نەک داوا  لە کەسانێک بکرێ کەنازانن چەکەکانیان ئاڕاستە بکەن

ـــــ چەند جارێکە بزوتنەوەی گۆڕان،بەبیانوی هەڵکوتانە سەرمەکۆو مەزاری کۆچکردو نەوشیروان مستەفا،داوای پارێزگاری کردنی لەخۆبەخشانی بزوتنەوەکەیان دەکەن کەبیان پارێزن ببنە پشتێنەی ئەمنی ،ئەم بانگەوازەی گۆڕان ،بۆ جوڵاندنی هەستی گۆڕان خوازان،خراپترکردنی ڕەوشەکەیەو خۆتێ هەڵقورتاندن بەلاڕێدابردنی لەلایەن کەسانی ترو هێزی ترەوە دێنێتە بەرهەم، لەبنەڕەتدا دروست بونی ئەم بزوتنەوەیە لە کۆمەڵێک کەسی بەئەزمونی سەربازی قۆناخی شاخ دروست بوون و پێگەی سیاسی بەهێزیشیان هەیە،کەدەتوانن خۆیان بپارێزن، ئەمە جگە لەوەی گۆڕان خاوەن سەدان پاسەوانە کەلایەن حومەتی هەرێمەوە ڕێگە پێدراون و سەر بەوەزارەتی ناوخۆن،کە دەتوانرێ باش ڕابهێنرێن و پارێزگاریان پێ لەخۆیان بکرێ،نەک داوا  لە کەسانێک بکرێ کەنازانن چەکەکانیان ئاڕاستە بکەن،جگەلەوەی داوەکردنی پارێزگاری کردن لەگۆڕان خوازان ڕەوایەتی دانە بەهەڵگرتنی چەک بەشێوەی هەڕەمەکی کارکردنە بەڕێسای عەشایەری و هێزی میلیشیایی.

گەر ئێوەش مەیلی میلیشیا دەکەن جگە لەوەی لەڕێبازی کۆچکردو لادەدەن ئەوە بەرپرسیار دەبن لە ڕێگریکردن بەدەزگای کردنی هێزە چەکردارەکان و جۆرێکی تر لەهاوڵاتی بەرهەم دەهێنن کەبەشک بێ لە و عاقڵییەتە تۆتالیتارو پڕلەزەبروزەنگەی دەسەڵاتی یەکێتی و پارتی بەرهەمیان هێناوە

لەکۆتایدا وەک فرۆید وتی [هەموو چەپێنراوێ ئەگەری سەر لەنوێ گەڕانەوەو تەقینەوەی نوێی هەیە] جا هیواخوازم گەڕانەوەو نوێبونەوەی گۆڕان بەفۆڕمێکی نوێ بۆ ئایندەیەکی جوانەوەبێت،تەقینەوەیەکی فکری و ڕۆشنبیری بێت.

زیاتری نوسەر

copyright 2019, All Rights Reserved Developed by TeraTarget for Digital Intelligence and IT Innovations