یەكێتی تۆپی پێی ئەمریكای باشور وەڵامی میسی دایەوە

07.07.2019

لڤین: 
فیدراسیۆنی تۆپی پێ ئەمریكای باشوور بە فەرمی وەڵامی قسەكانی میسی دایەوە و رایگەیاند، تۆمەتی بێ بنەمادەنێتەوە و  كە دوورە لە هەموو راستیەك دەیەوێت یەكپارچەیی كۆپا ئەمریكا لەكەدار بكات. 

دوای ئەوەی لیۆنێل میسی، كاپتنی هەڵبژاردەی ئەرجەنتین، فیدراسیۆنی تۆپی پێ ئەمریكای باشووری تۆمەتبار كرد بە لایەنگری لە هەڵبژاردەی بەرازی ئەو فیدراسیۆنە ئەمڕۆ وەڵامی دایەوە و دەڵێت: لە تۆپی پێدا هەندێجار دەدۆڕێی و هەندیێجاریش براوە دەبیت، پەسەند كردنی ئەنجامەكان بە رێز و خۆشەویستی یەكێكە لە بنەماكانی رێزگرتن لە یاری، ئەم بابەتە ناوبژیوانانیش دەگرێتەوە، ئەوانیش مرۆڤن و هەڵە دەكەن.

لە كاتێكدا فیدراسیۆنەكە دانبەوەدا دەنێت كە هەڵەی ناوبژیوانەكان هەیە، باس لەوەش دەكات: شتێكی رەوا نیە كاتێك پاڵەوانتیەك بە بەشداری 12 وڵاتی گەورە بەڕێوە دەچێت و گشت هەڵبژاردەكانیش زۆر بە ئاسایی ركابەری لەسەر نازناوەكە دەكەن تۆ تۆمەتی بێ بنەما بنێیتەوە كە دوور بن لە هەموو راستیەك و بتەوێت یەكپارچەیی كۆپا ئەمریكا لەكەدار بكەیت. 

ئەو فیدراسیۆنە لە بەیاننامەیەكی فەرمیدا دەشڵێت "ئەم تۆمەتانە بێ رێزیە بەرامبەر دێرینترین پاڵەوانیەتی، یاریزانان و سەدان كەس كە شەونخۆنی دەكەن بۆ بەرێوەچوونی پاڵەوانتیەكە".

1185 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations