وشهد شاهد من أهلها..!

17.06.2019

لڤین: لە هەژماری ئەحمەد رەفیق
یەکێک لە گرفتەکان ئەوەیە هەندێ کەس بڕیاریانداوە تێ نەگەن! ئاخر پێشتر بەڵگە و دۆکیۆمێنتی زۆرمان خستنەرو کە پارتیی دیمۆکرات بە ئاگاییەوە بێ یان بەبێ ئاگایی بە ئاراستەی دژە کەرکوک هەڵسوکەوت دەکا و لەو روەوە چیشی بۆ کرابێت درێغی نەکردوە!.


لەو چوارچێوەیەدا ئەمڕۆ کادیرێکی پێشکەوتوی پارتیی کە خەڵکی کەرکوکە بە ناوی (کاوێز مەلا پەروێز) لە ژێر ناونیشانیی (اخی و قەرداشە ئازیزەکان) وتارێکی نوسیوە و دان بە کۆمەڵێک راستییدا دەنێ کە پێشتر ئێمە بەردەوام جەختمان لە سەری کردوەتەوە و ئێستا ئەوان پشت ڕاستیی دەکەنەوە!

لە وتارەکەیدا دەڵێت: (هەر دوولامان مقاشی دەستی ئەو دەوڵەتانین کە بۆ بەرژەوەندییەکانیان هەڵماندەسورێنن...)! مەبەست لە هەردولا (پارتیی و حزبە عەرەبییەکانە) و، ئەو وای دەبینێت کە هەردولایان (مەقاش/داردەست)ی تورکیا و ئێران و سعودییەن!

هەروەها ئەو کادیرە کەرکوکییەی پارتیی زیاتر دەڵێت و دان بەو راستییەدا دەنێت کە لە پای کوشتنی کوردانیی خورماتو، هەروەها داگیرکردن و سوتاندنی ماڵ و موڵکەکانیان لە لایەن (نیازی معمار ئۆغڵۆ) پارتیی شوقەو پاسەوانیی لە هەولێر بۆ دابین کردوە! ئەوەتا کاوێز مەلا پەروێز دەڵێت: (خۆ لە رووداوەکانی خورماتوو قەرداشی ئازیزیان نیاز معمار ئۆغلۆ ماڵی کوردی داگیر و وێران دەکرد، کوردی دەکوشت لەم هەولێرە پاسەوانی لە ماڵەکەی دەکرا...)!!

ئایا؛ دوای خستنەروی ئەم راستییانە لە لایەن کادیرێکی پێشکەوتوی پارتییەوە، ئیدی شتێکی دیکە بە شاراوەیی ماوەتەوە تاکو خەڵکی کەرکوک درکیان پێ نەکردبێ؟ دانپێدانان لەمە زیاتر چی تر؟! ئومێدەوارم ئەمە ببێتە هۆی راچەڵەکینێک بۆ تەواوی کەرکوکییەکان و چیتر بە موزایدە و دروشمە رەنگاو رەنگەکانی ئەم و ئەو فریو نەخۆن!

172 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations